في حياتي بقلم هديل المعداوي

نسافر و ننسي كل ده
_ مش هقدر ي احمد لازم اخد حق اللي ماټ عشان حبني سافر انت و بابا و ماما عشان تبقوا في أمان و انا هفضل هنا
_ انتي عارفه اني مش هسيبك صح
_ عشان خاطري ي احمد انا مش هستحمل لو حصلك حاجه
_ ولا انا هستحمل لو حصلك حاجه و زي ما بدأنا سو نخلص سو
و فعلا احمد صمم يفضل معايا مرداش يمشي اخدنا شقه في اسكندريه بابا و ماما قعدوا فيها كان عندهم اسئله كتير اوي بس رفضنا نجواب علي اي سؤال علي الاقل لحد ما ناخد حق حازم اطمنا علي بابا و ماما و دلوقتي اجي وقت المواجهه روحت لمني بيتهم
_ اذيك ي حبيبتي اخبارك ايه وحشاني
_ انتي عرفتي اللي حصل معايا الفتره اللي فاتت
_ حصلك ايه ادخلي انتي واقفه برا ليه
دخلت و حكيت لها كل اللي حصل من اول اللي حصل يوم الفرح بعد ما سيبتها لحد اللي حصل يوم الحديقه اول ما بدأت اتكلم عن الحديقه وشها اتقلب الوان ساعتها اتاكدت انه هي اللي عملت كده فضلت ساكته شويه بعدها قالت
_ طب وانتي هتعملي ايه دلوقتي ي ليل
_ لازم اعرف مين عمل كده لازم اخد حق حازم
_ ي حبيبتي انسي بقي و عيشي حياتك
_ مني انتي مش كنتي قولتلي أن امك عملت عمل لمدحت عشان تتجوزه هي لسه ليها في الاعمال
ضحكت مني و قالتلي
_ لسه ليها في الاعمال دي عامله لكل اللي حوالينا عمل عشان تاخد كل حاجه ببلاش انتي عارفه الاسعار غاليه بقي ي ليلو
_ يعني لو احتاجه مساعدتها هتعرفي تكلميها ولا ايه
_ شاوري انتي بس امي سكر لو طلبه عينيها مش هترفض
_ماشي انا ماشيه لو احتاجه حاجه هكلمك
خرجت و كنت سيبت في الترابيزه جهاز تصنت سمعتها بتقول لنفسها بصوت عالي انتي متخلفه ازاي تقولي كده اكيد شكت فيكي انتي غبيه هوف يارب ما تكون اخدت بالها سكتت شويه و قالت و بعدين معاكي بقي ي ليل
سمعتها انا و احمد دموعي نزلت بۏجع جامد ازاي تعمل فيا كده طلعتلها تاني و واجهتها و كان رد صاډم..
_ ايوه انا عارفه عملت كده امتي يوم ما روحتي لأخته كالعاده و اخوكي خرج مع سمر و ابوكي و امك عند جدتك اول ما قولتلي أن البيت فاضي و كلكم هترجوا بليل متاخر عملت كده عشان بكرهكم انا عمري ما حبيتك انا صاحبتك عشان اخوكي يحبني زي ما انتي صاحبتي نسرين عشان حازم يحبك و حازم حبك امال احمد احمد ده غبي و حيوان لما قولتله بحبك قالي اني زي اخته انا بكرهكم
زعقت فيها بشده
_ تقومي تدمري حياتنا ليه هو الحب بالعافيه انتي من اول يوم عارفه إنه بيحب سمر انتي ايه مجنونه
_ كان نفسي اعيش قصه حب زيك كان نفسي احس اني حلوه او اني اتحب
_ عمرك ما هتتحبي عشان انتي غبيه
ضحكت بسخريه
_ عمري ما كنت غبيه ولا نسيتي انك لحد دلوقتي مش عارفه انا عملت كل ده ازاي عقلك مش جايبك لمستوايا اقولك عملت كل ده ازاي
انا أجرت الشباب اللي ضايقوكي يوم الفرح و أجرت العربيه اللي تخلصني منكم و لما عيشتي استحضرت جن يساعدني بدأ يكتب علي المرايات يظهر لك علي إنه حازم و الشاب اللي جالك ده انا اللي بعته و مقولتلهوش أنه ھيموت انا قولتله يقول

ايه و بعت وراه الجن