في حياتي بقلم هديل المعداوي

انا عايز الحديقه دي كلها تتحفر و اي حاجه تلاقوه هاتوها و القران ميقفش يشتغل باعلي صوت عشان تكونوا في امان و انا هروح اجيب حد متخصص يفك الأعمال دي
و فعلا راح احمد و انا معاه طبعا للشيخ جبنا الشيخ مش شيخ واحد بس لا جبنا اكتر من شيخ عشان يقروا قران و يسرفوا الأرواح و الجن من البيت و جبنا ناس فاهمه و متخصصه كمان عشان تفك لنا الأعمال دي بحذر روحنا و كان خوف الدنيا كله فيا مش علي نفسي لا انا بقيت شبه مېته انا كنت خاېفه علي احمد و علي الناس اللي ملهاش ذنب دي المهم وصلنا البيت لقينا العمال واقفين كلهم برا مرعوبين و اول ما شافونا واحد اجي علينا بسرعه
_ بشمهندس احمد احنا حفرنا الحديقه كلها بس بس اول ما بقت حفر عميقه بدأت تطلع ډم ډم كتير اوي
الحديقه كلها كانت ډم فعلا و حيوانات مېته طب طب اللي عمل كده ازاي عرف يوصل للحديقه و يحط الحاجات دي في العمق ده من غير ما نحس المشايخ فضلوا يقرأون القرآن و ايات معينه من القرآن لحد ما الحمدلله كله راح رشينا البيت كله مايه بملح و مكنتش ولا انا ولا احمد مهتمين اننا نرجع الحديقه زي ما كانت لان خلاص البيت بقي ازازه كله متكسر و من كتر ما اتهز العفش باظ و كده كده مش هنقدر نعيش فيه تاني شيخ من المشايخ نصحنا بما اننا هنغير البيت نسيب المدينه دي خالص نسيب القاهره كلها و نروح نعيش في حته تانيه و محدش يعرف احنا رايحين فين لحد ما نعرف مين عمل كده لان فعلا محدش فينا عنده تفسير للحصل فعلا عملنا كده اشترينا طقمين جداد ليا و لاحمد سافرنا و ماخدناش اي حاجه من البيت بس قبل ما اسافر كام لازم اروح لحازم 
روحت كان معايا احمد و شيخ عشان يقراء له قران و واحد عشان يحط زرع علي قپره دخلت لوحدي الاول و فضلت اعيط و بقول
_ انا اسفه ي حازم كل اللي حصلك بسببي ياريتك ما حبيتني انا حتي لسه مش عارفه مين اللي عمل الإعمال و عمل كل ده عشان يفرقنا نفسي اعرف مين كان عايزنا نبعد قبل ما نقرب اصلا مين كان عارف اني بحب
هنا رجعت بتفكيري لوري و قولت مني !!!!
مني صاحبتي الوحيده اللي كانت تعرف الموضوع الوحيده اللي كنت بحكلها ساعه فرح اخته اي نقاش او اي موقف حصل بينا كنت بقولها اني حاسه إنه بدأ يعجب بيا معقول كانت عايزه تنهي حبنا قبل ما يبدا طب ليه طب مني هتعمل كده ازاي

اصلا استني استني دي مني قالتلي قبل كده أن بعد مۏت ابوها امها حبت مدحت جارهم عملتله عمل طلق مراته و ماټ فيها حب و اتجوزها معقول !!!! فضلت اكلم نفسي و انا مش مصدقه وقت طويل بعدها بصيت بقوه لقبر حازم
_ اوعدك اني هاخد حقك لو من مين حتي ي حبيب الروح
قولتها و خرجت مكان ما كان احمد مستني قولتلهم يدخلوا يقروا قران و يحطوا الزرع و وقفت انا و احمد لواحدنا قولتله علي كل حاجه
_ و مني صاحبتك دي هتعمل كده ليه
_ مش عارفه ي احمد و مش عارفه اصلا هي ازاي هتدخل الحديقه عندنا و تعمل كده من غير ما نحس
_ تعالي