ازيك ياااااحببت مجنونه

بنت زي دي 
مراد بعصبيه _ يعني ايه غاصبها وربنا لا اروح اكسر البيت علي دماغه
هشام _ اااهدا

اهدا في ايه انت صدقت ما كلنا عارفين انها تمثليه وخلاص ولا في حآجه انا معرفهاش اوعا تكون حبيتها
مراد بزعيق _ ياخي بقا يا هشام متعصبنيش احبها ايه المعفنه دي كل الحكاية ان دا قلت تقدير ليه 
هشام بإبتسامة_ طيب خلاص ومتتعصبش اهي راحت لحالها ومش هتضايقك تاني مش انت كنت عاوز تخلص منها 

مراد _ يووووه اقفل يا هشام ولا استنا.. هي هتيجي الخطوبه بكره ولا لا 
هشام بضحكه _ معرفش
مراد _ متضحكش ياااخي انا مش طايق نفسي
هشام_ ههههه حاضر
مراد _ يقفل في وشه وهو شايط ياخي دا انت فاضي
التفااااعل بجماعه انا كداا هزعل و هجيب نااس تزعل لييييه التفاعل مع الرواية قليل اووي كدا
احببت_مجنونة 
البارت_11
يوم الخطوبه 
ياسمين _ الو 
مي بحزن_ حبيبتي وحشتيني 
ياسمين بحزن _ وانتي كمان ياقلبي نفسي اكون معاكي بس ڠصب عني والله انتي عارفه النهارده الخطوبه بس بالله عليكي اوعي متجيش 
مي بضحكة غلب _ ههههه خطوبه هو الموضوع قلب جد ولا ايه 
ياسمين _ تؤتؤ لسه زي ما احنا 
مي _ تعرفي انكم لايقين علي بعض اوي لما بشوفكم مع بعض بصدق انكم مخطوبين 
ياسمين بتنهيده _ لاا يا مي احنا زي ما احنا هشام صديق مش اكتر 
مي _ صديق بس يعني مفيش اي مشاعر اتطورت 
ياسمين بتنهيده _ اممم بصي انا معرفش ايه الاحساس ده بس انا دايما حاسه انه حوليا فهماني 
مي _ فهماكي على العموم الف مبروك حتي لو بالكدب 
ياسمين _ مي رغم ان الخطوبه كدب بس انا بجد محتجاكي معايا وكمان علشان نتكلم شويه عشان خاطري تعالي 
مي _ هاجي ساعه وهكون عندك هقضي اليوم كله معاكي 
ياسمين _ حبيبتي منحرمش منك يلا هستناكي 
مي بتردد_ ياسمين هو م... هو معاد الخطوبه امتي اقصد يعني الساعه كام 
ياسمين تفهمها _ انتي مكنتيش هتسالي علي الخطوبه قولي في ايه 
مي _ مفيش حآجه 
ياسمين _ لا بجد قولي هتخبي عليه! 
مي_ امم كنت عاوزه اسأل علي مراد هو عرف بالموضوع بتاعي 
ياسمين_ مش عارفه بس مظنش هيكون مين قاله يعني دا حتى هشام انا مجبتلهوش سيره 
مي_ كويس اوي انا عاوزه اقوله ان خلاص يسيبوه من التمثليه اياها بس ياريت تخلي هشام يقولو 
ياسمين _ حاضر متشغليش بالك انتي 
في المساء في قاعة المناسبات 
بيكون هشام وبقيت المعازيم داخل القاعه بيتبادلو الحديث وبعدين بتدخل ياسمين اللي لابسة فستان ناعم لونه ابيض لامع مع شعر بني طويل مزين بالورد الأبيض عشان تكون زي الاميرات الكل بصلها وبدأت اصوات الإعجاب بشكلها تملا المكان وبينهم هشام اللي فضل باصص عليها ما بين احساسه بجمالها اللي فوق الوصف واحساسه بالخيبه علشان دا كله تمثيل استمر وقوفه كده وهو شارد لغيت ما ملك شدته من ايده لغيت ياسمين 
ملك بضحكه طفوليه _ ههههه شوفي واقف مسهم ازاي ومش قادره يتحرك بعد ما شاف قد ايه انتي قمر يابختك ياعم مكنتش اعرف انها حلوه كده غير لما شفتها 
ياسمين تبتسم ابتسامة مجاملة حبيبتي انتي اللي قمر 
هشام يبصلها وهو ساكت 
ياسمين بفرحه غير مكتمله وبسمه يملاها الحزن _ ايه مقولتليش ايه رأيك 
هشام بهدوء _ مفيش كلام يكفي وصف جمالك 
ياسمين _ مش لدرجة دي يعني
هشام _ هوف انابجامل متصدقيش 
ياسمين_ ههههه ماشي 
هشام _ شوفي الناس مصدقة ازاي 
ياسمين بحزن _ فعلا وخصوصا ماما انا صعبان عليه فرحتها دي اوي 
هشام_ امم بقولك ايه 
ياسمين _ ايه 
هشام_ ايه رايك نحاول نصدق اللحظة دي يعني متفكريش في حآجه علشان محدش ياخد باله 
ياسمين تميل رأسها بالموافقه
مي واقفه جمب ياسمين ومش باين علي وشها اي تعبير لغيت ما بيدخل مراد وتشوفه ف تمشي بسرعه علشان ميشفهاش
مراد _ اتش حبيبي الف مبروك يا غالي وبيضحنه ويهمس ليه طيب تصدق انا صدقت ما تفكر وتقلبها جد وهو كل حآجه موجوده 
هشام بهمس_ خلي ليلتك تعدي 
مراد _ انت حر وسع نبارك للعروسه 
الف مبروك وعقبال الفرح ان شاءلله ههههه 
ياسمين _ اتريق اتريق علي العموم الله يبارك فيك 
مراد _ فين المقروضه التانيه 
ياسمين _ كانت هنا دلوقتي راحت فين 
مراد _ ايوه خلاص اقعدي انتي جنب الاستاذ ده وانا هشوفها
بيلف مراد علشان يلاقاها ولما لاقاها بدأت تتهرب وتتكلم مع الضيوف 
مراد _ تعالي عاوزك لكن هي بتتجاهل كلامه وتروح عند ضيوف تانين 
مراد _ مي بقولك تعالي انتي عرفاني ممكن اشيلك قدام الناس ولا يهمني ف تعالي بذوق احسن 
مي _ مراد من فضلك بلاش فضايح ولو كان علي الاتفاق اياه ف اعتبره ملغي. عن اذنك 
مراد بعصبيه يمسكها من معصمها ويشدها نحيته وپغضب لما اكلمك تردي عليه 
مي _ سيب ايدي وبلاش فضايح. مراااد بقولك سيبني 
مراد _ مش هسيبك غير لما تيجي معايا 
مي_ خلاص هاجي بس سيب الناس بدأت تبصلنا 
مراد _ يلا 
ام هشام _ الف مبروك يا هشام عقبال ما اشوفك عريس ان شاءلله الف مبروك ياحبيبتي 
ياسمين بإبتسامة _ الله يبارك فيكى يا طنط 
هشام _ اديني حققتلك حلمك اهو اي رايك عرفت اختار.. لترد ياسمين بإبتسامة باهته 
الام _ عيني عليها بارده.. 
ام ياسمين _ يلا علشان تلبسو الشبكة 
وبتبتدي تقدم ليهم الشبكة بدأ يلبسهالها ومقدرش ما يبصلهاش بتركيز شديد وهو شايفها متوتره ومكسوفه انه يمسك ايدها بعدين هي بتلبس الدبلة وقبل ما تسيب ايده هو مسكلها ايديها بتمكن وبصلها بشرود لتبادلو هي نفس النظرات وكأن مفيش غيرهم في المكان وتستسلم ومتحاولش تشيل ايدها
مي _ عاوز ايه مينفعش اللي حصل قدام الناس ده 
مراد بغيظ_ انا حر اعمل اللي عاوزه ودا مش موضوعنا ايه اللي عملتوه انتي وابوكي ده 
مي _ شئ ميخصكش دي حياتي وانا حره 
مراد _ ولما هي حياتك وحره بتدخليني فيها من الاول ليه مصبرتيش ليه يكون عريس حقيقي يجيلك 
مي _ وخلاص جه يا سيدي وانا بعتذرلك اهو ممكن امشي 
مراد _ مش هتمشي غير لما انا اقولك انتي كدابه انتي مش موافقه واستنيتك تقولي انك مغصوبه بس انتي بردو ضعيفه وانا قولتلك بكره ضعفكم 
مي ببكاء_ ايوه ڠصب عني نفس اللي حصل معا اختي هيحصل معايا 
مراد _ خلاص طالما انتي مش عاوزه ارفضي ان شاءلله حتي يقتلك بردو ارفضي 
مي _ اللي ايده في الميا بقا 
مراد _ مي بلاش كلام كتير وتروحي دلوقتي تقولي لا ابوكي مش عاوزاه فهمتي 
مي _ وانت عاوزني ارفض ليه 
مراد _ دماغك متلفش انا عمري ما هحبك ومتهمنيش تجوزي ولا لا بس انا مش عاوزك تعملي حآجه ڠصب عنك
مي تظهر علي وشها ابتسامة وتحس بطمئنينه ان في امل الموضوع ده ميتمش بس بردو خاېفه من ردت فعله 
مي

بجمود _ خلصت كلامك! 
مراد _ نعم 
مي _ خلصت كلامك! 
مراد _ انتي قاصده تستفزيني بقا 
مي بزعيق _ خلصتتت كلامك يا مراد 
مراد _ يبصلها في عيونها بقوه لتبادله نفس النظرات وتهداء محاولاتها للافلات منه 
وبهدوء لاول مره تحسه منه وعيون بتلمع
مراد _ معرفش انا بعمل كده ليه بس مش عاوزك تعملي حآجه ڠصب عنك وكمان علشان متتعشميش انا مفيش في قلبي اي احساس نحيتك ولا هيكون 
لتبصله وتبداء دموعها تلمع في عيونها وتذق ايديه پعنف وتمشي
ملك _ هشام يلااا 
هشام _ يلا فين 
ملك _ هترقصو سلو 
هشام _ لا لا سلو ايه اقعدي يابت 
ملك _ قوم بقا متبوظش الليله ياسمين يلا 
ياسمين _ مش هعرف بجد 
ملك _ هشام بيعرف وهيساعدك يلا بس هشااام انا مش هسيبك غير لما تقوم ترقص
هشام يبص لياسمين_ ايه رايك 
ياسمين _ مبعرفش 
هشام _
احمد بغضب_ انا مش هرد عليكي علشان انتي بنت عن اذنك 
ملك تبصله پغضب هو وماشي _ انسان قليل الذوق ومتعجرف 
ليعود احمد وينظر لها پغضب _ عدي يومك احسنلك 
ملك تشيط ڠضب وتيجي تزعق لكن صحبتها بتوقفها وتسحبها بعيد 
ملك _ انسان متخلف وقليل الذوق 
احمد _ بنات عاوزه الضړب لو مفيش حفله كنت عرفتها مقامها انا عارف هشام جايب الاشكال دي منين
بعد ست ايام
مي وامها في مول بيشترو حاجات علشان الفرح وكل واحده راحت في جهه 
مي ماشيه في المول بدون اي اهتمام وفجاه حد بيمسكها من الخلف ويحط منديل علي بوقها وهي تحاول تفك نفسها لكن بدون اي جدوي وبتفقد الوعي ..... يتبع
احببت_مجنونة
البارت_12
بيت ياسمين 
ياسمين بترجي_ ياماما بالله عليكي خليني اشتغل انا هطق من القعدة في البيت 
احمد بزعيق_ ياااسمين قولنا مفيش شغل يعني مفيش شغل لما تبقي تجوعي ابقي اشتغلي 
ياسمين _ احمد من فضلك متدخلش وخليك محضر خير 
احمد _ شوفي قلة ادب بنتك يا ماما 
الام _ يابنتي هتعملي ايه بالشغل انتي وكمان اكيد خطيبك مش هيوافق 
ياسمين _ ياستي ملكيش دعوة بهشام انا هقدر اقنعه 
الام بقلة حيله _ خلاص لو هو واخوكي وافقو انا موافقه كمان 
ياسمين بترجي_ احمد حبيبي عشان خاطري وافق والله الموضوع ده هيفرق معايا كتير 
احمد _ يا حبيبتي يااااحبيبتي انتي مينفعش تشتغلي مش هتعرفي تتعاملي مع الناس بره ثم ان محدش هيستحمل طول لسانك زينا 
ياسمين لنفسها_ اممم دماغكم حجر بس انا هعرف ازاي اخليكم توافقو... خلاص انا اشوف هشام لو وافق انت كمان توافق 
احمد _ ماشي بس انا متأكد انه هيرفض 
ياسمين _ ماشي هنشوف وتمسك التليفون وتتصل 
الام _ هتكلمي مين 
ياسمين _ هشام