ازيك ياااااحببت مجنونه

والله ما يحصل هتتعشا عندنا انت تعبت معانا اوي 
هشام_ يدوم عزك بس انا لازم امشي ورايا شغل كتير اعمله 
احمد _ خلاص بكره هتتعشا عندنا 
هشام ان شاءلله عن اذنكم 
بيمشي هشام واحمد بيعزمه وياسمين قاعده جمب امها وبتبص عليه اثناء سلامو على احمد بصلها لقاها هي كمان بتبصله ولما شافته بصت حواليها ما كان عليه غير انه يبتسم ويمشي

بيت مي
الاب _شوفي بمزاجك او ڠصب عنك هتجوزيه 
مي _ الله يخليك يا بابا بلاش 
الام _ يا ابو حماده تجوزهالو ازاي وانت مدي كلمه لراجل انها هتكون ليه 
الاب _ اسكوتي انتي ده شكله واد مدلع ومش دوغري انما دا جاهز وشيك ب 2 مليون اهو 
مي _ انا لا يمكن اتجوزه دا كبير اوي ونبي يابابا الله يخليك ما تعمل فيه زي ما عملت في هبه 
مي ببكاء_ ماما الله يخليكي اقنعيه انه ميجوزنيش لراجل ده والا والله اڼتحر 
الام تزقها _ ټنتحري طيب اڼتحري وهو نرتاح منك يابت يا خايبه مالو الراجل دا انتي هتعيشي هانم مش احسن ما تجوزي واحد زي ابوكي 
مي ببكاء_ حتي انتي ياستي انا مش عاوزه اتجوز خالص بس ونبي بلاش الله يخليكي 
الام_ جملي دورك لحسن والله انده لا ابوكي دلوقتي وانتي عرفاه ممكن يعمل فيكى ايه يلا اتخمدي علشان هنروح الصبح نجيب شوية حاجات...
تمشي وتسيبها تبكي بشده لا حول لها ولا قوه
في غرفة ياسمين
فلاش باك
هشام _ خدي التليفون ده عليه حاجات يسمعها الناس الناضجه.
باك
ياسمين _ ازاي انا نسيت ده يقول عليه ايه دلوقتي هيفكرني خدت التليفون علي كده ياربي اعمل ايه.... اممم هكلمه 
بتطلع تتسحب وتجيب تليفون امها وتدخل تاني بسرعه
هشام قاعد بيفكر في الي حصل وشكل ياسمين وهي تبصله والموقف الي حصل في بيتها وفجاه يرن التليفون 
هشام_ ام احمد! خير ليكون حصل حآجه بيفتح الو 
ياسمين_ ازيك 
هشام_ خير يا ياسمين ولدتك كويسه 
ياسمين_ اه الحمدلله هي كويسه ونايمه دلوقتي 
هشام_ طيب الحمدلله انتي عامله ايه دلوقتى 
ياسمين_ تمام انا اتصلت في الوقت ده علشان اقولك اني والله نسيت تليفونك معايا انا ركنته في الدولاب ولسه فكراه حالا بجد انا اسفه معرفش بتقول عليه ايه 
هشام بتمثيل_ يا شيخه انتي بتتلككي انا عارف انك ضړبتي عليه اه طبعا ماهو احدث حآجه نزلت 
ياسمين _ وربنا ما حصل انا بجد كنت نسياه 
هشام_ متحلفيش مش هصدقك 
ياسمين ببكاء_ طيب والله ما حصل 
هشام_ يا نهار ابيض انتي پتبكي ليه 
ياسمين_ علشان مش مصدقني وفاكرني حراميه 
هشام_ ههههه مجنونه. لا ياستي انا مصدقك بس حبيت اهزر معاكي 
ياسمين بغيظ_ متبقاش تهزر تاني 
هشام_ انا حر ياستي انتي مالك 
ياسمين_ ماشي براحتك ابقا لما تيجي خده معاك 
هشام_ طيب سمعتي حآجه من الافلام ولا لا 
ياسمين _ لا بقولك لسه فكراه 
هشام_ امال سهرانه لدلوقتي ليه 
ياسمين_ مش عارفه مجينيش نوم وانت
هشام_ نفس السبب 
ياسمين _ طيب خلاص تصبح على خير 
هشام_ استني 
ياسمين _ ايه 
هشام_ مفيش كنت عاوز اتكلم شويه يمكن اقدر انام 
ياسمين بإبتسامة _ تحب احكيلك حدوته
هشام بدلع _ اه اه ونبي يا ماما 
ياسمين_ ههههه ماما يا شحط 
هشام _ ههههه لا بجد احكيلي حدوته 
ياسمين بإبتسامة _ طيب يا سيدي اسمع كان يامكان كان في امير وسيم وكان طيب اوي دايما يحب يساعد الناس في مره شاف غزاله صغيره بتجري وفجاه حد رما عليها سهم جه في رجلها قام الامير دا جري عليها بكل

قوته زي الابطال ومسكها وخدها علي حصانه علشان يعالجها و خلاها معاه لغيت ما خفت وقدرت تجري في الغابه تانى وتعيش حياتها بس كده توته توته خلصت الحدوته 
هشام حس انها تقصده بالقصه دي
هشام بإبتسامة _ قصه حلوه اوي يا ماما بس اكيد الغزاله دي كانت حلوه اوي علشان الامير يساعدها مش كده 
ياسمين تحاول تداري صوت ضحكتها _ لا الامير هو اللي شهم بيحب يساعد 
هشام بإبتسامة_ شكرا يا ياسمين
ياسمين _ شكرا علي ايه هو انا بشكر فيك انت 
هشام_ ياستي انا بتكلم علي انك حكيتيلي حدوته انتي دماغك بتحوج ليه 
ياسمين _ ههههه طيب العفو يلا بقا تصبح على خير 
هشام بإبتسامة _ وااانتي من اهله 
ياسمين _ استنا 
هشام _ ايه 
ياسمين_ بما انك هتتعشا عندنا بكره تحب تاكول ايه 
هشام _ اممم احب احب ايه عارفه انا بحب السوشي اوي 
ياسمين بقرف _ سوشك 
هشام _ اه شوسي في ايه مبتعرفيش تعمليه
ياسمين _ وحتي لو اعرف مش هنعمله انت تاكول وخلاص قال سوشي قال 
هشام _ ايووه اقرفونا بقا علشان عشوه 
ياسمين _ ههههه مفيش قرف ولا حآجه بس انا هعملك حآجه تانيه وان شاءلله تعجبك 
هشام _ اكيد ولا اجيب مطهر معوي ولازي منه 
ياسمين _ ههههه بايخه يلا روح تصبح على خير 
هشام بضحكه خفيفه وانتي من اهله 
في بيت مراد 
مراد _ ايييه يا بيبي اتاخرتي ليه 
سالي _ الطريق زحمه قوي يا مومو 
مراد _ خساره بقا فاتتك الحفلة 
سالي بدلع _ تؤ تؤ انا قاصده اجي متأخر انا عاوزه حفله ليه انا وانت وبسسس 
مراد _ لااههههه اسف والله يا حبيبتي اللي في بالك مش هينفع ما انتي عارفه مبدائي نسهر نتفسح نحب في بعض بس No to touch 
سالي _ لا لا انت لازم تغير مبدأك ده يا مومو فايتك كتيييير اوي طيب دا انا هوريك اللي عمرك ما شفته
مراد بزهق _ سوسو حبيبتي ليه زنانه كده قولت No to touch يعني No to touch اقعدي بقا انا جعان هتاكلي معايا 
سالي بلوي بوز _ هه اكول لا شبعانه 
مراد يقف جوه المطبخ يجهز اكل وتيجي علي باله مي هي وبتقوله بس انت ضحكت وقولتلي طلعتي اااخ وفجاه يضحك بصوت عالي سالي _ ما تضحكني معاك 
مراد _ ههههه لا ولا حآجه فكري هتاكلي معايا ولا لا هتندمي انا بعمل شوية بيض بالبسطرمه انما ايه يودو المستشفى ههههه
تاني يوم 
ياسمين _ الو ايوه يا خالتي امال فين البت مي 
الام _ مي بتجهز نفسها علشان نروح نشتريلها شوية حاجات عقبال فرحك اصلها هتجوز 
ياسمين بأستغراب تسأل نفسها _ معقول يكون مراد هيخطبها زي ما هيعمل هشام.... فجاه كده امال مين العريس 
الام_ واحد خليجي ميتخيرش عن جوز هبه 
ياسمين بخضه _ انتي بتقولي ايه ازاي ده فين مي ادهاني 
الام _ دقيقة بت يا مي تعالي كلمي صحبتك 
مي تيجي وهي مطفيه تماما_ ايوا يا ياسمين في حآجه 
ياسمين _ ايه اللي سمعته ده 
مي بصوت متحشرج _ زي ما سمعتي 
ياسمين بحزن _ وانتي رايك ايه متقوليش انك موافقه 
مي ببكاء_ انتي عارفه عندنا البنت ملهاش راي انا اتكتب عليه اني اتجوز واحد اكبر مني باكتر من تلاتين سنه يا ياسمين 
ياسمين پبكاء _ طيب بطلي بكا وارفضي متوافقيش أبدا 
مي _ ومين قال اني مرفضتش اقفلي يا ياسمين مع السلامه وتقفل في وشها 
ياسمين _ مي انتي يابت قفلت في وشي منك لله يا ابو حماده راجل مفتري يا حبيبتي يامي
ياسمين قعدت طول اليوم زعلا نه على صحبتها لغيت ما جه هشام جهزت العشا واتعشو وهي مبتتكلمش وبعدين استاذنت ودخلت 
هشام بحيره_ هي مالها يا طنط 
الام بتنهيده_ زعلانه علي مي صحبتها يابني 
هشام _ مالها مي 
الام _ الله يسامحه ابوها هيجوزها لواحد ڠصب عنها وكبير عنها بسنين كتير 
هشام _ معقول لسه في ناس كده 
الام_ للاسف فيه 
هشام _ لا اله الا الله زعلت بجد ربنا يتولها 
الام _ يارب 
بيروح هشام البيت 
اخته ملك _ ايه ياعم هي العروسه هتاخدك مننا كده كتير 
هشام _ في ايه يا لمضه عاوزه ايه 
ملك _ كنت عاوزة اخد رايك فى الفستان اللى هلبسه بكره فى الخطوبه 
هشام _ طيب يلا وريني 
ملك _ دقيقة هروح البسه واجي وبتجري علي اوضتها 
هشام _ مامااا انتي فين 
الام _ مساء الخير ياحبيبي جيت امتي 
هشام _ لسه داخل اهو 
الام _ خطيبتك وامها عاملين ايه 
هشام _ بخير الحمدلله.... بخيبه مبسوطه ياماما اني هتجوز
الام _ ياااه انت مش عارف انا كنت مستنيه اليوم ده بفارغ الصبر كنت خاېفه اموت قبل ما يجي 
هشام _ بعد الشړ عنك متقوليش كده وللحظه سرح وفكر ف امه اللي فرحانه وفي الاخر هيطلع اتفاق ومفيش جواز 
ملك _ اااتش ايه رأيك وبتلف 
هشام يبصلها بإبتسامة وفرحه باخته الصغيرة اللي بقت عروسه وشكلها اللي طالع زي العسل بالفستان اللي لبساه 
هشام برزاله مصتنعه _ وحشه اوي مش كده يا ماما 
الام _ قمر حبيبتي الفستان انتي اللي محلياه 
ملك تحضنه امها_ حبيبتي انتي شفت النااس اللي بتعرف تقول حآجه تفرح مش زيك 
هشام_ يابنتي القرد في عين امه غزال مسمعتيش عن المثل ده اهو اتعمل مخصوص علشانك 
هشام بإبتسامة باهته _ هي عارفه كل حآجه بس الصراحه يالوكا طالعه زي القمر بس خلي بالك مفيش حد يشوفك عشان اللي هيبصلك او يعوز ياخدك مني هقتله 
ملك_ ههههه حبيبي يا اتش متقلقش انا مش هتجوز وهفضل قاعده انكد عليك ايه رأيك 
هشام_ نهار ابيض دي مصدقة 
ملك _ ههههه رذل
مراد بيتصل ب هشام
هشام_مارو حبيبي عامل ايه 
مراد_ بخير يا سيدي امال فينك ياعم امال لو كانت خطوبه بجد كنت قاطعتنا علي كده
هشام_ ما انت عارف تجهيزات وحلويات وقاعه كله بياخد وقت
مراد_ والله حرام المصاريف دي كلها علي خطوبه Feky. ما تخلوها بجد 
هشام_ ههههه يا سلام ودا ازاي بقا
مراد_ ياعم هتخبي عني انت مشفتش نفسك وانت بتجري وراها في الشارع... يااااسمين استني بقولك وتشدها وټضرب علشانها لئيم انت يا اتش 
هشام_ ههههه والله ما حد لئيم وفاضي غيرك يابني ياسمين مش اكتر من صديقه بساعدها 
مراد_ ايوووه صدددديقه طيب ياعم الصديق انت هعمل نفسي مصدقك بس المهم انت تكون مصدق 
هشام_ مصدق بس انت اطلع منها اه صحيح انت مش كنت عند ابو مي بتطلبها منه حسب الخطه 
مراد _ حصل وهو وافق بس ده راجل طماع اوي تصور من اول مقابله طلب مليون جنيه 
هشام _ ايوووه 
مراد _ ليه في حآجه حصلت انا معرفهاش 
هشام _ يعني مي هتجوز