حورورحيم
كل يوم واحده بفلوسي بس بعد ما اخلص معاها هحس بالذنب وتأنيب الضمير ده غير صحتي اللي هخسرها وهضيعها علي ستات رخيصه وغير ده كله انا مش زيك انا عايز اجرب كاللي انت بتقوله ده واحس كل الاحاسيس دي بس عايز اعمل كده فالحلال ومع الست اللي هتخطف قلبي وتستاهل حبي
وزي ما هتكون هي اول مره تجرب الاحساس ده معايا انا كمان هجربه معاها واكيد انا واثق انه هيبقي احساس ميتوصفش....فهمت يا بتاع النسوان الرخيصه اللي شبهك.
فهمت ياخويا خليك انت في احساسك ده المهم تكون كويس ومتقلنيش عليك..
رحيم....اسد يلا في ايه.
وبعد مده انهي معاه المكالمه.....كانت الساعه 6المغرب..
دخل الاوضه بعد ما خبط لقاها نايمه عالسرير وتانيه رجليها لحد صدرها وماسكه بطنها بايدها وعلامات التعب علي وشها...
رحيم...انتي كويسه..!
حور.. بصوت باين عليه التعب..الحمد لله..
حور... لا بس بطني ۏجعاني شويه..
رحيم... يمكن خدتي برد.. الجو ساقع جدا ..هشغلك الدفايه..
حور... اكيد خدت برد..انا خدت مسكن تاني. الوقت ابقي كويسه
رحيم.. هو كل شويه مسكن متخديش تاني انا هخرج الوقت هوصل لحد القصر انتي عارفه ان فرح اختي كان امبارح لازم اروح اباركلهم انتي عارفه دي عوايدنا وانا كبيرها لازم اروحلها.. وانا راجع هجيب معايا غدا وهناكل سوا تمام انا مش هتأخر هي ساعه زمن بالكتير يعني هرجع قبل الدكتوره ما تيجي كمان..
رحيم... لو تعبانه اعد معاكي... ولما تيجي الدكتوره تطمني عليكي .
حور... صدقني انا كويسه اكيد ده برد.. الوقت هبقي كويسه..
رحيم... ماشي ياحور. عايزه اي حاجه اجبهالك وانا جي..
سكتت حور.. وفضلت تفكر . تقوله ولا لا.. لحد ما قررت..
ااأ لا شكرا..
رحيم. بابتسامه جذابه.. قولي متتكسفيش وزي ما اتفقنا هتحاسبيني لما تنزلي القاهره...
رحيم.. قام وقف.. انا هنزل واوعي تفتحي لاي حد الباب هنا متقلقيش معمول مخصوص يعني لو مېت واحد بره هيهدوه مش هيتفتح المهم انتي متفتحيش لاي حد وانا لما اجي هفتح...
حور... حاضر...ومره واحده صوتت ومسكت في ايده....
رحيم... ايه مټخافيش ده صوت الرعد.. امال عامله فيها سبع رجاله ليه..
رحيم... مټخافيش واقولك استني هديكي حاجه...راح عالدولاب.. وطلع سماعه صغيره.. ووصلها بهاند فري..اتفضلي..
رحيم... دي حطيها في ودنك كده كلها اغاني عيشي مع نفسك لحد ما اجي وعشان متزهقيش كمان..
حور. حاضر.. ممكن متتأخرش..
حاضر مش هتأخر...
مشي رحيم عالقصر...
اما حور... فا اول ما خرج قامت براحه من عالسرير.. واول ما داست عالارض صوتت.. ولفت عالسرير لقت اللي كانت خاېفه منه حصل...
حور لنفسها. انا كنت نقصاكي انتي كمان..انا هعمل ايه الوقت ياربي.. انا خاېفه انزل.. بس انا لازم انزل انا هعمل ايه الكام يوم دول هتصرف ازاي..
قامت طلعت فضت الشنط بتاعت اللبس اللي جابهملها وانبهرت بذوقه ومن ماركات اللبس ايه ده يخربيت ذوقك انا ولله شاكه انه صعيدي...
خدت بنطلون وعليه تيشيرت بكم وفوقيه جاكت شتوي طويل شويه .. كان شكلها جميل حطت الزنط علي راسها وراحت براحه عشان تخرج...ووقفت..
ياخبر.. انا مش معايا فلوس..اعمل ايه..طيب انا هدور.. في الدولاب هنا يمكن الاقي...بس كده تبقي سرقه..
لا انا هرجعهمله مع الفلوس لما انزل مصر ومش هقوله خدتهم ليه...راحت حور عالدولاب ومكنتش محتاجه تتعب شويه لانها اول ما فتحت الدولاب لقت خزنه صغيره جوه الدولاب وكان سايبها مفتوحه بعد ما حاسب مندوب الشحن بتاع لبسها ما قفلهاش.. فتحت براحه
