يارا وادهم
بجوارها يحاول افاقتها و
أدهم برقة يارا يارا سمعاني يارااا ردي عليا !! مممم طب أفوقها ازاي دي ممم ايوه أحسن حاجة اعملها أجيب مياه وأدلوقها ع وشها بس هي مش ناقصة خضة بدل ما تصوت وتعملي ڤضيحة واحنا هنا في الشركة مش في البيت ممم طيب أنا هنتور شوية مياه قليلين ع وشها بالظبط هو ده اللي هينفع
وبالفعل وضع أدهم بعضا من قطرات المياه على يده ونثرها ببطء على وجه يارا والتي بدأت تفيق تدريجيا و
يارا ه هاااه
أدهم سمعاني
يارا مممم ه هاه
أدهم فوقي يا يارا
يارا هاه
أدهم ياراااااااا انتي سمعاني
يارا اها
أدهم حاولي تفتحي عينيكي
يارا أنا انا فين
ادهم في الشارع واقعة مدغدغة حتت
يارا وهي تتحسس جسدها هه فين ايه
أدهم ضاحكا هههههههههههههههه يا بنتي اهدي انتي في المكتب وبخير مافيش فيكي أي حاجة اطمني
أدهم ده ع أساس اني عزرائيل اللي قاعد قدامك !! يا بنتي ركزي معايا أنا ادهم
يارا هه
ادهم انتي كويسة وفي مكتب عمي محصلكيش حاجة
يارا يعني انت ماسبتنيش
أدهم لأ
يارا يعني أنا موقعتش
ادهم لأ الحمدلله
يارا أومال ايه اللي حصل
ادهم مافيش أنا بس مسكتك كويس وشيلتك بعد كده وانتي قفشتي فيا ورفعتك لحد ما دخل آآآ
يارا مقاطعة وقد حضنت أدهم الحمدلله الحمدلله شكراااا ع اللي انت عملته
تفاجيء أدهم بما فعلته يارا و
أدهم احم والله أنا لو كل يوم حد هيشكرني بالطريقة دي أنا مستعد أشتغل شيال للصبح
يارا باحراج لا مؤاخذة مقصدش بس أنا فرحانة الحمدلله اني بخير
ثم دلف خالد إلى غرفة المكتب و
خالد بخضة يارااا انتي كويسة جرالك حاجة بابا قالي ع اللي حصل
يارا انا الحمدلله بخير اطمن
خالد الحمدلله الحمدلله !!
أدهم ومافيش أي شكر للراجل اللي انقذها كيس جوافة أعد
خالد ما انت في وشي طول اليوم وزي القرد أهوو المهم الغلبانة دي اللي لا حول لها ولا قوة
يارا أنا تمام يا خالد شكرا ع سؤال
أدهم محذرا بغمزة اياكي تفكري تشكريه زي ما شكرتيني
يارا هه
خالد بعدم فهم تقصد ايه
أدهم ده موضوع بيني وبينها كده
خالد أها
ادهم بس نفسي أعرف ايه السبب الخطېر والفظيع اللي خلاكي تتنيلي تطلعي فوق الزفتة الماكنة دي والشباك مفتوح
أدهم بضيق ما تولع أم النضارة مايشتري غيرها
خالد نضارة ايه
يارا مستر عدلي وقعت منه نضارته ورا الماكنة فطلعت أجيبها
خالد يا سلام !!
أدهم كده عادي تطلعي وتنطي وتطيري عادي كده
يارا ماهو الشباك كان مقفول
أدهم ازاي كان مقفول وحضرتك كنتي هتعملي فيها سبايدرمان وتنطي
يارا والله كان مقفول مستر عدلي قفله بنفسه
أدهم أكيد انتي بيتهيألك انه عمل كده
يارا اقسم بالله أبدا هو قفله بنفسه عشان أما انزل من ع الماكنة ماقعش
خالد طب ايه اللي حصل
يارا أنا كنت ساندة تربيذة صغيرة عشان أطلع عليها بس للأسف ملاقتهاش لما جيت أنزل تاني
خالد مممممم
أدهم يعني هتكون دي كمان مشيت لوحدها
يارا مش عارفة
خالد خلاص مش مهم الحمدلله ان يارا بخير وربنا نجاها
أدهم أنا رايي مافيش بقى شغل الفترة الجاية ونركز أحسن في فرحنا مش ناقصين كوارث تانية تحصل
خالد اول مرة تقول حاجة عليها الطلا
أدهم ليه
يعني
خالد يارا انتي ارتاحي الفترة الجاية عشان تنوري في الكوشة
أدهم ايوه وعشان أنا كمان أضلم جمبك
يارا ان شاء الله
خالد ده أمر يا
