روايه ظبوطه قلبي جميع الاجزاء كامله
كريب .
_مشكل جبن و لارج .
حااضرر .. قولي مين ده بقى .
_ده واحد كده .
تصدقي كنت فكراه اتنين .
_طب بس دلوقتي عشان الحفلة هتبدأ .. هبقى احكيلك بعدين .
اما نشوف بعدين ده هيجي امتى .
اومال ماما ما جاتش ليه
_لما تروح ابقى اسألها .. وبعدين ينفع ابقى اخر من يعلم بالحفلة دي
على اساس انك كنتي هتيجي اصلا لو قلتلك
ما تدخلنيش في تفاصيل .
_يااا رااجلل طب على فكرة بقى مش هتاخد الشوكلاته الي جبتهالك .
قال بعند مش عوزها خليهالك
_كدة .. طب هفتحها قدامك و اكلها .. مش انت مش عايزهاا
بص للشوكولاتة بحزن قال يعني بيودعها وبعدين بص حواليه و راح جري مني .. انا طبعا جريت وراه .. مش خوفا عليه والله .. ده عشان هتعلق في البيت لو رجعت من غيره اصلا .
ينهار مش باينله ملامح .. جايبلي ظابط .. لا ثواني .. ده مالك .. ده أنيل .. يا اخي منك لله والله .
بصلي و هو ھيموت و يضحك انا عارفة وبعدين نزل لمستوى عبد الرحمن وبصله قول لي بقى
عملوا ايه عشان ما فهمتش .
قاله بحزن سرقوا مني الشوكولاتة بتاعتي الي جايبها من مصروفي الي قعدت احوشه بقالي اسبوع و مش راضية تديهالي
مالك بص ليا انا و مرام نظرة الي هو اهدي انا هعقله
وبعدين قال طب و انت عايزاني اعمل فيهم ايه
تحبسهم طبعا
لا بقى يا جماعة كده كتير .. ابننا ما شافشي ٥ ثواني على بعض تربية .. اه والله العظيم .
_لا مهو احنا فعلا اخواته البنات يا حضرت الظابط .
بصلي بدهشة وبعدين بص لعبد الرحمن عايز تحبس اخواتك عشان شوكولاتة يا مفتري
بص لمالك بعصبية يعني ماليش حق اسجنهم عشان السبب ده .. شكلك مش هتساعدني .. عن اذنك
مسك ايده استنى يا راجل بالهداوة كدة .. انا هساعدك .. بس مش هقدر احبسهم .. احنا ممكن نطلب منهم تعويض .. ايه رأيك
مالك وقف و بصلي و حاول ما يضحكش بصوت بس بيضحك .. و انا كنت بشيط من عمايل عبد الرحمن .. و مرام نفس الشيء .. باينلها ليلة فل ان شاء الله .
اتكلمت وانا بجز على سناني _ تحت امرك يا عبد الرحمن .. في الطريق هجيبلك كل الي انت عاوزه .
مشينا و انا فيا ڠضب العالم كله .. و بدأنا نعدي الطريق و في عربيات جاية بسرعة ..و انا كنت ماشية بسرعة و عصبية و مش شايفة قدامي و الي فوقني صوت كلاكس عربية جاي بسرعة و انا واقفة في نص الطريق مش عارفه اعمل ايه .. سامعة ناس بتناديني بس مش قادره اتحرك .. هي مالها ضلمت كده ليه .. هو انا جسمي مكسر ليه .. حاسة اني متكتفة !
آنسة وصال .. يا
