طفله اعادت شبابي الإسراء ابراهيم

بحبك اوي
فريد كان نفسه يعترفلها بمشاعره هو كمان كان نفسه لو يقولها انه محبش غيرها وانها بالنسباله الدنيا كلها بس للاسف هو شايف انه لو عمل كدة هيكون اناني لانها تستحق احسن منه فرد عليها بجمود وبرود حسيته هي في صوته 
حب ايه وكلام فارغ ايه اللي بتقوليه انتي ناسية انتي ايه وانا ايه انتي طفلة بالنسبالي وانا يوم ما هتجوز هاخد واحدة ناضجة مش عقلها عقل اطفال كدة صدقيني انتي بس اتعلقتي بيا عشان انا كنت بديل لجدك وباباكي مش اكتر وبكرة تكبري اكتر وتضحكي علي تفكيرك دلوقتي
الدموع وقفت في عيونها وهي بصاله كانت واقفة عادية بس من جواها كل حاجة وعكسها ده غير صوت كسرة قلبها من اكتر انسان حبته في الدنيا ابتسمت ببهتان والدموع بتنزل من عنيها فجأة اول ما اتكلمت كانها بتواسيها 
عندك حق يا ابيه انت عندك حق انا اسفة تصبح علي خير
فريد كان قابض علي ايديه وكاتم احساسه جواه وهو شايف دموعها كانت الدنيا كلها بالنسباله متسواش دمعة واحدة منها سابها وخرج بس ساب قلبه ليها مين عالم انه بيعاقب نفسه قبليها خرج فريد ووقتها اڼهارت ملك عالارض وهي بټعيط وكاتمة صوت عياطها وكل كلام فريد بيتردد في عقلها وان كابوسها اتحقق وفريد طلع مش شايفها غير طفلة تافهة بمشاعر مراهقة وعمره ما هيشوفها غير كدة وانه عايز واحدة ناضجة زي فريدة هي دي من وجهة نظره اللي
عدي اسبوع كانت فيه ملك مش بتخرج من اوضتها بحجة انها تعبانة وواخدة دور برد جامد بس فريد كان عارف سبب تهربها منه ومرضاش يتكلم او حتي يطمن عليها وكان بيكتفي انه يسأل امه عليها خرجت ملك من اوضتها وهي مقررة تنسي حبها لفريد وتكتمه في قلبها وتعيش قلب من غير روح وكانت نازلة عالسلم بس فجأة وقفت مكانها اول ما سمعت صوت سليم وهو بيتكلم مع فريد ومعالي وبيقولهم بود 
انا عارف ان حضراتكم هتقوله اني لسة صغير وببتدي حياتي بس الحقيقة اني بشتغل من صغري والحمد لله معتمد علي نفسي مش علي فلوس والدي وفاتح شركة صغيرة كدة 
مقدرش فريد يكتم غضبه ويتحكم في نفسه وهو سامع سليم بيتغزل في ملك وبيطلبها منه فقام پغضب وهو بيقول بحدة وحزم لسليم 
من غير كلام كتير خد بعضك وامشي من هنا حالا والا تصرفي مش هيعجبك
قام سليم وقال باستغراب من موقف فريد ومعاملته معاه 
طيب ليه يا فندم
هو انا غلطت في حاجة لا سمح الله حضرتك ليه بتعاملني كدة بس
فريد قبض علي ايديه پغضب اكبر ورد بعصبية مقدرش يخبيها 
وعايزني اعامل ازاي واحد جاي يطلب مراتي مني 
شهقة خرجت من ملك وهي واقفة عالسلم وحاطة ايديها علي وشها وبتبص لفريد اللي انتبه ليها اول ما سمع صوتها وعنيهم اتقابلت في حيرة من ملك اللي متحملتش الصدمة وفجأة الدنيا اسودت ووقعت من طولها مغمي عليها فجري عليها فريد بلهفة اول ما شافها كدة عشان 
بليل كانت ملك قاعدة علي سريرها ودموعها علي خدها بعد ما سمعت من معالي ان جدها جوزها لفريد عشان عمها كان عايز يجوزها لابنه وكان طمعان في ورثها وطلب من فريد انه ياخد باله منها لحد ما تكبر وتفهم كل حاجة وبعد كدة يعرفها فريد بجوازهم ويسيبها تقرر كانت بتفكر ملك في كل اللي سمعته وعلي قد فرحتها انها طول الوقت ده كانت مرات فريد بس هيفيد بايه وهي بالنسباله ولا حاجة كانت
 ملك جمبيها ندي و كانت بتطبطب عليها بحب
انا متشكرة لكل اللي حضرتك عملته معايا واظن انك نفذت الوصية بتاعة جدي كلها واظن دلوقتي انا كبيرة كفايا اني اقرر حياتي واعرف اخد بالي من نفسي وليا حق الاختيار طلقني لو سمحت
فريد قلبه وجعه ورد بهدوء وهو بيبص لامه 
ممكن يا ماما تسيبونا لوحدنا شوية
قامت معالي وخدت ندي وخرجت بعد ما بصت لفريد واترجيته بعنيها انه يفكر كويس وفريد بعد ما هما خرجو قرب من ملك وقعد علي حرف السرير وهو باصص ليها 
انتي متأكدة يا ملك من قرارك ده يعني انتي اللي عايزة تطلقي وتستقلي بحياتك
ملك عنيها دمعت واتمنت للحظة انه يرفض ويتمسك بيها بس واضح انها كانت حمل تقيل عليه فردت بثقة وهي بتقوم من مكانها وبتديله ضهرها 
ايوة متأكدة انا متشكرة ليك لحد هنا وطلقني وانا هروح اعيش في بيت جدي واستقل بحياتي
فريد قام وقال بتنهيدة
تمام يا ملك بس اللي بتقوليه ده مش هيحصل ابدا
ملك لفت وشها وبصتله باستغراب وسألته بتكشيرة 
يعني ايه الكلام ده انا مش فاهمة حاجة مش هيحصل ليه يعني 
فريد بص في عيون ملك اوي وقالها وهو بيملس علي خدها بحب 
ملك قلبها دق ومكنتش مصدقة اللي بتسمعه منه وقالتله باستفهام 
فريد انت بتقول ايه انت ناسي اني طفلة وانك عايز واحدة ناضجة زيك عشان تفهمك وتفهمها مش عيلة زيي انا ومخها صغير
ابتسم فريد علي كلام ملك وقرب منها اكتر وهمس قدام وشها 
ماهو انا مقولتلكيش اني اكتشفت ان محدش بيفهمني غيرك ومحدش ملي عيني وروحي وقلبي غيرك يا ملكتي
ملك اختل توازنها من كتر ما هي مش مستوعبة كلام فريد وكانت هتقع بس هو لحقها وقالها بقلق وخوف عليها 
ملك حبيبتي انتي كويسة
ملك كانت في حضڼ فريد وباصة في عنيه ومش مصدقة اللي بيحصل وانها من ثواني بس كانت اتعس انسانة في الدنيا ودلوقتي كل حاجة بقت في عيونها احلي ردت بقلق وخوف وهي بتبص لفريد 
فريد انت ليه عملت كدة ليه قولتلي الكلام ده ليه
كسرت قلبي
فريد قربها منها وهو بيقولها بتنهيدة كلها حب حب حسيته هي في صوته 
خۏفت ټندمي يا ملك وخۏفت اكون اناني لما اعترفلك بحبي واني مقدرش اعيش من غيرك كنت خاېف احسن اكون بدفنك معايا بالحيا كنت بدوس علي قلبي وانا بقولك الكلام ده صدقيني كنت بۏجع نفسي بيه قبل ما بوجعك
انا لو هندم فعلي كل لحظة عدت عليا من غيرك انا بحبك بعقلي وقلبي يا فريد وعمري ما هندم ابدا لانك الشئ الوحيد الحقيقي في حياتي
فريد كان قلبه بيرقص من الفرح لك ليه اكتر وهو بيقول بسعادة 
بحبك يا طفلتي بحبك اوي
تمت 
بقلم اسراء ابراهيم