روايه بقلم روان حسن

علي!
اهدي طيب اكيد في حاجه غلط
ايوة صح اكيد استني ادقق ف الصورة 
ياربي ده بيضحك علي قاعد بيضحك مع الاكس ده معناه ايه 
كانت خطة مثلا 
أحمد مكنش طايقني ف بعت علي عشان اتعلق بيه و اسيبه 
ولا ولا مثلا كان رهان بينهم ولا مثلا انا كنت لعبة بيتسلوا بيها و علي مش بيحبني ولا حاجة
انا اللي غلطانة يا نور ده انا وثقت فيه و كنت بخطط للخطوبة طلع يعرف احمد يا تري بقي يعرفه ليه و ازاي و امتي 
دماغي هتجيب ألف احتمال و احتمال
ممكن تمسكي اعصابك عشان نعرف نفكر اكيد علي مش كده يعني تحبي اكلملك أكرم استفهم منه
لا طبعا انا هعرف منه ولو هو قالي من نفسه انا هسامحه انما لو خبي ف انا هزعل اوي يا نور
متقلقيش يا حبيبي

اكيد هتفهمي كل حاجة بس هتعملي ايه في الخطوبة اللي بعد يومين دي
هسيب كل حاجة تمشي زي ماهي و هستناه يعترفلي
ليلة الخطوبة علي اتصل
الو
علي عارفة احلي حاجة فيكي ايه 
ايه
لا دي اغنية مش بمدحك
اممم
خليكي فريش احنا في رحلة 
طيب
مالك يا مريم في ايه 
مفيش حاجه عايزة انام بس
طيب هسيبك ترتاحي عشان بكرة يوم طويل بس قبل ما تقفلي عايز اقولك حاجه 
الحمدلله هيعترفلي بكل حاجه هو أكيد مش وحش رديت بلهفة سمعاك
انا فرحان وانا بقول خطوبتنا بكرة يمكن مش بعرف اقولك كلام رومانسي وكده بس اللي عايزك تتأكدي منه اني مبسوط و يارب تكوني انتي كمان مبسوطة 
تصبح على خير 
رد باستغراب وانتي من اهله
بصيت للفون بحزن ليه كده يا علي
الصبح
نور لولولولولي أحلي عروسة في الدنياااا خطوبتها انهااااردة
يختااااي بس يابت صداع عايزة انام
تنامي ايه يا حبيبتي الساعة 11 يدوبك نروح للميكب ارتيست عشان نلحق الشمس للفوتوسيشن ده انا زقيت أكرومي علي علي عشان يحجزلك عند فوتوغرافر محترم هو غالي حبتين بس علي الصراحة مستخسرش فيكي حاجه 
نور بقولك ايه فكك مني انا اصلا مش مبسوطه 
هه انا عارفة ايه اللي هيفرحك خدي علي بيتصل
قمت قعدت و حاولت ابتسم 
الو 
واااو هو ده ال sleepy voice بتاعك 
ايوة
طيب مش هتصل بيكي الصبح تاني ده انا افتكرتك محمد صاحبي 
قلت بتأفف متصل ليه دلوقتي يا علي
ألاه انتي مش طايقاني ليه يا بت لا بقولك ايه مش عايزين نكد انهاردة انا أول مرة ابقي عريس
طيب يا عريس سيبني بقي عشان ورايا حاجات كتير 
وهو انا ماسك فيكي ولا تكونيش عايزاني امسك فيكي وانا اللي فكرك مؤدبة 
علي!! 
خلاص متقفشيش انا بهزر هسيبك دلوقتي يا عروستي ساعة كده واكون عندك عشان اوصلك 
ماشي سلام
سلام يا حب
نور تعرفي انك فقرية 
اممم عارفة
مريم متخليش الحوار ده يعكنن علينا اليوم 
ده علي اساس انه بإيدي يعني انا منمتش كويس من كتر التفكير ايه العلاقة بينهم و ليه هو مجابش سيرة 
ما علينا خلينا نفطر قبل مننزل مكلتش حاجة من امبارح
جيبالك بيتزا عشان انتي عروسة بس متتعوديش علي كده 
انتي اللي ليا يابت بلا رجالة بلا قرف
اتكلمي عن نفسك انا مبسوطة مع أكرومي
يا بخته بيكي يا نور عيني ربنا يسعدكم يارب
يارب يا قلبي و يهدي سرك انتي و علي
بكل أمل موجود في الدنيا آمين
وصلني بس متكلمناش كتير ف العربية و لمه رحنا للفوتوسيشن
الفواوغرافر بصيله ف عينه و اضحكي
عليحلو اوي الكلام ده بصيلي يلا
مالك يا مريم ما تبصيلي
حاضر اهو
ايه البصة دي يا بنتي هو انا عشمتك و غدرت بيكي