صدفه بقلم سميره

_ انت مبتحبهاش ؟ 
_ تؤ

سكتت فقربت خطوة _ وانتي ؟ .. بتحبيه ؟ 
_ تؤ

بصينا لبعض و ضحكنا

_ بقولك ايه 
_ ايه ؟ 
_ متجي نجوز 
_ انت عبيط ؟ مفيش حاجة تيجي كدا ؟ 
_ اهدى حبيبي كدا 
_ مش وقتك يا نانسي يا عجرم  ... مش ناقصة چنان
_ انتي مؤمنة بالقدر ؟
_ اه طبعاً 

فضلت بصالي وهي بتضحك بسخرية _ انا بكلم بجد ! 
_ ايوه واضح 
_ على فكرة بقا انا قررت انك مراتي 
_ انت عبيط ؟ مجڼون ؟ مش لايق عالبدلة خالص جو الفانكي بوي دا 
_ يعني لو قلـ،ـعت البدلة هتصدقيني 

وصلنا لبيتها ووقفنا بالعربية تحته _ فكري ووافقي بدل متلاقيني أربعة وعشرين ساعة تحت البيت 
_ يا رب نعقل يا رب

نزلت من العربية ونزلت وراها _ هو بابا موقفه ايه وانتي داخلة اربعة الفجر البيت ؟ 
_ وعمتو موقفها ايه 
_ قالتلي هاتي فينو معاكي 
_ جبتيه ؟ 
_ هو ايه ؟ 
_ الفينو ؟ 
_ عمو سلامة قافل 
_ عدينا على سوبر ماركت في طريقنا على فكرة

لفيت وقربت منها وانا ببتسم _ تعالي نرجع نجيبه