انا هخبي على العريس المره دي

قام ومرجعش.
سكتت
زهرة وهي بتقلب كلام مامتها في دماغها بالإضافة لدا شعورها بالراحة تجاهه عمرها ما حست بيه ملحقتش تحبه من مجرد نظرة بس الراحة في قلبها مع القبول في وشه خلى جزء جواها عايز يشوفه تاني.
واضح من هيئتك إنك لسة على مبدأك يا زهرة.
ختم بهزار فاتكلمت مباشرة بدون أي تعابير وبعدين! جايب الناس دي كلها وجاي ليه وعلى أي أساس وأنا مقولتش إني موافقة عليك!
رفع أكتافه ومقولتيش إنك رافضة أنت قولتيلي إنك مش بتخلفي وكنت متوقعة مني رد معين وعلى أساس توقعك الخاطئ طبعا رافضة إنك تدينا فرصة.
ابتسمت بسخرية ايه! مانفسكش تكون أب
بصت ناحية اهله
اللي بيضحكوا مع مامتها برة أهلك لما يعرفوا مش هيقولوك سيبها
أهلي عرفوا.. 
بصتله وهو كمل بس اللي مش فهمه هو ايه دخل عيلتي بحاجة زي كدا يعني دي هتكون حياتي 
سكت وهي سكتت ملقتش كلام تقوله قصاد ذوقه وأدبه وتفكيره اللي يدل قد ايه هو شخص مسؤول.
وأمام سكوتها رجع اتكلم مرة تانية أنا حقيقي مش بكذب عليك بس الراحة اللي قلبي حس بيها لما شافك محستهاش قبل كدا أبدا مش ببالغ ولا بحاول أكون ملزق بس أنا صادق معاك.
ومرة تانية التزمت الصمت فرجع يتكلم ببسمة وهو متفهم شعورها تيجي نقرأ الفاتحة الناس اللي برة دي أخدت نفس واتكلمت أنا مقدرش اديك عشرة في المية ثقة كل اللي قعدوا مكانك ووافقوا بوضعي كان عشان
تاني 
ابتسمت بسخرية عكس الألم جواها آه .. ما الأول هو اللي عملي التحاليل وفلسع لما عرف.
نفى عمران براسه ولا يشغلني والله أنا أمي ست قوية مش محتاجة حد يخدمها وأطيب من بهاء سلطان وأنا والله لسة أول خطوة اخدها في
حياتي الاجتماعية اهي مش بقولك اديني عشرة في المية اديني
٥ او ٣ وأنا 
يا ماما كفاية هند معايا هننقي الدبلة سوا ونرجع وطنط مامة عمران معانا أهي!
لف بص لزهرة وهند برضو تيجي أنا عربيتي كبيرة ماتقلقيش الموضوع بسيط.
نفت لأ لأ طبعا اتفضلي يا طنط أنا هقعد ورا مع ماما وهند وأن....
قاطعتها يوه! اسمعي يابنت الكلام!
ابتسمت وهي بتكمل أنا بقعد جنبه السنين اللي فاتت كلها جه دورك بقى يا زهرة!
ابتسمت زهرة وهي بتشكرها وبتطلع جنبه ميل عليها عمران وقال بهزار بذمتك دي واحدة تشغلك خدامة!! دانا واخدك عشان شبه
أمي أصلا!
بعد عنها وضحك بصوت عالي جذب انتباه الكل وهي بإحراج بصت جنبها للطريق..
ايه رأيك في الأوتفيت خارج مع صحابي
بعت ياخد رأيها في لبسه ردت بعد ثواني تدقيق لذيذ بس لو الحزام أسود هيبقى ألذ.
ابتسمت وهي بتقفل التلفون وبتكمل اللي كانت بتعمله الوضع بقى خفيف بينهم عن الأول عدى ٣ شهور غيروا شوية في تفكيرها لكن ... مش كليا.
عايزة حاجة مني وأنا جاي السوق يعتبر جنبي لو محتاجة حاجة.
ردت عليه في التلفون لأ لأ أنا وهند نزلنا الصبح جبنا اللي محتاجينه شكرا.
العفو ياعم استنيني بقى أنا في الطريق اهو.
قفلت معاه ورجعت تجهز الطرابيزة لفت لمامتها اخدت منها طبق واتكلمت وعي بتبص للأكل برضا كدا لسة بس السلطة وكوباية العصير..
رفعت وشها لمامتها المانجا اللي سكرها خفيف.
ابتسمت نهلة عليها وهي بتتحرك في البيت بحماس حماس مانطفاش لحظة من الصبح!
أنا شايف إني بدي أكتر من باخد يا زهرة دا لو كنت باخد أصلا!!
بصتله بحزم متزعقليش قولتلك من الأول خالص لأ يا عمران كل يوم كنت بفكرك إنك مش هتقدر..
صوته هدى أنا صابر من البداية بنية أخليك تنسي الۏجع اللي عيشيته قبلي صابر عشانك طول
الوقت يا زهرة بس مقدرش أصبر لما أشوفك عينك اللي منزلتش من عليه من أول ما دخل المكان.
قالت الجملة
الأخيرة بنبرة عالية ودموع ملت عينها رد عليها بعيون واسعة مندهشة لظنها بيه ماشكتش للحظة إنك حنيتي ليه ودا عشان بثق فيك ودي حاجة أنت لسة مش مدركاها لو تثقي فيا ربع ما بثق فيك مكناش وصلنا لهنا.
بصتله بجمود تمام عايز ايه دلوقتي يا عمران.
اخد نفس طويل وجاوبها عايز أروحك وأروح ونتكلم بكرة لما نهدى بلاش كلام في الحالة دي عشان مانندمش بعدين.
مش هندم متقلقش عليا.
ليه كل تفكيرك إني عايز أبعد يا زهرة!!
لا يمكن اتخلى عنك ولا يمكن اسيبك ممكن تهدي وتتطلعي العربية بقى لو سمحت
أعتقد ٣ ايام كانوا أكتر من كافيين سيبتك ومرضتش اضغط عليك ولا اكلمك.
كان قاعد في البيت عندهم وهي قصاده ردت بجملة واحدة بدون ما ترفع راسها أنا آسفة..
والله أنت عبيطة ولولا الملامة كنت قمت !! آسفة ايه يا زهرة دانا اللي المفروض أقولك آسف على العبط اللي عملته آخر مرة..
كمل بحدة مصطنعة بس ابقي احفظي نظرك يختي بعد كدا! طالما قاعدة معايا عينك ماتنزلش من عليا أنا محبش خطيبتي تبص لغيري بالغلط حتى!
ابتسمت التلات ايام اللي
فاتوا خلوني ارتب حسابتي وافكر مع نفسي كتير قبل ما اقعد قصادك والحقيقة لقيت نفسي كنت وحشة جدا رغم تعبك معايا متزعلش.
دانا ابقى مبفهمش لو زعلت بعد متزعلش دي والله! قوليلي بقى نكتب الأربع والفرح الخميس ولا نكتب الخميس والفرح الجمعة
هه
على فكرة إحنا جبنا طقم اطباق من دا الأسبوع اللي فات! زهرة دا تبذير!!
التاني سادة يا عمران أنا أحب أملى النيش بتاعي حاجات من الحلوة دي.
أنت يابت أنت غفلتيني وقولتي مكتبة بدل النيش وعملنا الاتنين وقولنا ماشي إنما هتدفعيني تمن الكتب وحاجة النيش هسيبك هنا وامشي!
عمران أنت بتجرحني كدا 
ياستي اتجرحي بعيد عني أنا اتغفلت ياست!
خرجوا من المعرض ووقف يشتري ليهم آيس كريم قعدوا على كنبة في الشارع ياكلوه وهما بيتفرجوا على الناس والطريق.
سكتت فجأة وسرحت
قام وقف حجب الرؤية عنها وقال بعيون واسعة زهرة أنا قولتلك النهاردة إنك جميلة
بصتله بإستغراب ونفت فكمل حيث كدا أنت حلوة أوي النهاردة.
وطى لمستواها وهي قاعدة وقال ببسمة حنينة أنا بحبك..
صوت الزغازيط مالي البيت في نص صالة البيت مخبية وشها في كتفه ومدارية دموعها.
ما قولناش ليهم!
إجري بقولك!
ماما هتقلق.
لف بصلها بابتسامة ماما عارفة والله.
وقفوا في نص الأرض بصتله بعيون مليانة حب مسكت ايديه الاتنين بايدها ومرجحتهم عمران.
رفع حاجبه بترقب فكملت بعيون بتلمع شكرا إنك في حياتي شكرا انك فضلت معايا رغ...
ضغط على ايدها ونفى براسه فابتسمت عمران..
ضحك هااا
ضحكت أنا بحبك والله!
دلوقتي تقدر تقف قصاد مامتها وتقولها إنها اسعد واحدة في الدنيا تقدر اقول إنها لقت العوض والأمان تقدر تقول انها مش عايزة حاجة من الدنيا تقدر تقول إنها بطلة القصة..