أسرار خادمه كامله

المفاجأت في الصاله
اسرار وقفت وهو بينادي عليها وبيقول..اسرار ..اسرار استني.. بس ما ردتش عليه وراحت بيتها
عساف جذب شعرو لورا بغيظ من نفسه على الي عملو فيها 
و مصطفى حط ايده على كتفه وقال.. ايه النظام
عساف قال بتحذير.. خالتك لو عرفت بحاجه هسلخك يا مصطفى
مصطفى قعد على الكنبه وقال.. تعرف بايه اقولها كان فيه مؤتمر مغلق في الصاله ايه اللي بتهببه ده ومع الخدم كمان افرض حد غيري دخل
عساف حمحم بحرج وقال .. البت جامده قوي بس دماغها انشف من الجزمه 
مصطفى قال.. خدت بالي انت ضاړبها
عساف اتنهد وقال.. هو قلم واحد والله بس هي اللي خدودها تفاح وتتاكل اكل
مصطفى قال بغيظ .. بطل قرف بقى كمان خالتي فين اكيد مش موجوده في السلطه اللي انت عاملها دي
عساف قال.. هتتاخر شويه انت ازاي دخلت كده من غير الحرس ما يجوا يدوني خبر او البواب
مصطفى قال.. انا اللي قلت لهم عايزه اعملها مفاجاه لخالتي ما كنتش اعرف ان انا اللي هتفاجئ احمد ربك انهم مدخلوش يدوك خبر
قال كده وطلع فوق وعساف اتنهد وقال في نفسه الله ېخرب بيتك ايه اللي هببته ده
ثاني يوم كانوا قاعدين بيفطروا سوا جات محاسن مرات ابو اسرار وبقت تحطلهم الاكل على السفره
عساف كان عايز يسال على اسرار ومش عارف يسال ازاي قدام امه ومصطفى بس اتشجع وقال.. احم هيه
اسرار فين امال النهارده مش معاكي يعني 
بقلم...زهرة الربيع
مصطفى ضحك وعساف بصله بغيظ 
نوال قالت انت كمان يا محاسن شده على البنت

قوي يعني هي بتشتغل بذمه وضميره اذا تعبانه مش مشكله يعني
محاسن قالت..يا هانم دي بتدلع انتي بس حضرتك علشان طيبه واميره 
عساف سابهم بيتكلموا وقال انا شبعت عن اذنكم معايا شغل مهم وطلع ولسه هيركب عربيته بص على البيت اللي في الجنينه اللي ساكنه فيه اسرار ابتسم بخبث وراح للبواب وقال..عم اسماعيل فين مفاتيح الفيلا كلها معاك 
اسماعيل قال باستغراب اه طبعا يا بيه معايا كل المفاتيح
عساف قال..طب اديهاني كلها بقى علشان فيه مفتاح بدور عليه
طلع ميداليه مفاتيح كبيره فيها مفاتيح كل الاوض بما فيهم اللي قاعده فيها اسرار و مرات ابوها
عساف اخذ المفاتيح وراح لاسرار وبقى يحاول يفتح البيت فضل يجرب لحد ما اتفتح دخل وقفل الباب بسرعه وراه وبقى يدور عليها في البيت اللي كان عباره عن اوضه صغيره وحمام جنبها ومطبخ صغير جدا لسه هينادي سمعها بتدندن وبتغني
قرب فورا على الاوضه بس اتجمد
بس قطعت كلامها بزهول شديد لما كمل وقال بصوت جميل.. وانا قلبي يولع بيولع بيولع وانت ولا حاسس ومكبر ليه
بلعت ريقها بارتباك وقالت والنبي يا بيه والنبي يعني انا سبت البيت علشان تيجي هنا يا خراااابي
عساف ضحك بشده وقال.. انتي فاكره لما تتحبسي هنا مش هعرف اوصلك.. قولي لي بقى مين ده اللي بتغنيله وبيتدلع عليك يا جميل
بصتله باستغراب بعنيها الواسعه المتكحله رباني بلونهم الرمادي الفاتح نظره ضړبت قلبو في ...اتنهد وقال يخربيتك..دي مش عيون ..دي افيون
اسرار كانت عايزه تضحك من كلامه حاولت تزقو وقالت سيبني يا بيه واطلع من هنا كفايه لاحسن حد يكون شافك وانت داخل
فضل يبصلها باعجاب وقال انتي جميله قوي يا اسرار واسم على مسمى كلك اسرار انا عمري ما خدت بالي من جمال عنيكي
اسرار نزلت عينيها بكسوف وعساف رفع وشها ليه وقال.. لا من هنا ورايح ما تبعدهمش ابدا عني..خليني دايما اشوفهم
اسرار فضلت بصاله شويه بتوهان بس افتكرت اللي عمله امبارح واتضايقت جدا