بقلم نورين خليل

بيوم لانهم جم وباتوا عندنا .
وكنت قاعدة مع بسمة بليل
بسمةاي ي مريم سرحانة في اي
مريمها لا مفيش
بسمةانا اختك ي هبلة ومش تايهه عنك في اي مالك في مشاكل بينك وبين هشام
انتي بقالك كتير مش بتحكيلي حاجه احكيلي يمكن اقدر اساعدك
اخدت نفس طويل وحكيتلها علي هشام ويارا والي حصل بينا كله ف اخر فترة
مريمتعبت اوي ي بسمة مبقتش عارفة اعمل اي بقالي سنين مشوفتش يوم واحد حلو

بسمةانتي قولتيله انك عرفتي
مريماه عرفته تخيلي هو متضايق اني بقيت مشغولة في حياتي و دراستي والبنات وسايباه..
بسمةغلط ي مريم بردو انتي لازم تبقي مع جوزك وتعملي واجباتك كلها حتي لو مشغولة بدراستك او تعليمك او شغلك او اي حاجه لازم تدي اولوية لبيتك وبناتك وولادك هو مش مضطر ابدا انه يستحمل حاجه زي دي
مريمانا مش عارفة اعمل اي اطلق منه واريح نفسي انا خلاص مبقتش قادرة افضل معاه
بسمهيعني انتي مش بتحبيه طب وبناتك
مريمللأسف انا بحبه فعلا بس مش قادرة مش قادرة ابص ف وشه او اكمل معاه كنت طالبه بس انه يقف جنبي كان نفسي ميخذلنيش مبقتش عارفة مش عارفة اعمل اي .
بسمةمتهديش بيتك ي مريم علي الاقل اديله فرصه تانيه .
مريمفرصة فرصة اي بقولك مش قادرة اكمل معاه القرار الي اخدته زمان كان غلط اكبر غلط
بسمةاديكي بتحاولي تعوضي .
مريمبحاول بس عمري ما هنجح حتي لو نجحت مش هبقي زي لو مكنتش اخدت قراري دا
بسمةوانتي اخدتيه ومشيتي فيه يبقي كملي للاخر انتي اه فاتك كتير بس حاولي تعوضي وخليكي معاه
وحاولي من تاني وكملي ف طريقك هو كمان كان لسه شاب ساعتها وكان طايش انا مش بديله مبرر بس الغلط عليكو انتو الاتنين ومادام اخدتو القرار مع بعض يبقي تنهوه مع بعض .
مريمسيبك انتي مني بقي..انتي اخبارك اي بقي
بسمةاخباري ياستي اخباري انا حامل
مريماي بجد ي حبيبتي الف مبروك انا مش مصدقه 
بسمة وكنت فرحانة جدا بيها
بسمةبس لسه مقولتش لحد ولا لماما ولا
لخالد حتي هخليها مفاجأة
كملنا كلام طول الليل وجه تاني يوم الي هو خطوبه يارا
روحت الكوافير ولبست فستان رمادي..واشتريت كمان لناريمان فستان كانت الخطوبة فيها ناس كتير من صحابنا..الي مخطوبة والي لسة متجوزة والي حامل والي لسة بتدرس افتكرت فرح بسمة لما كان نفسي هشام يبقي معايالما كنت مش عارفة اعمل اي بالبنات ومتخبلة بيهم..لما اتصورت عشان اوريه الصور..
فكرت في كلام بسمة مهدش بيتي افضل معاه ولا ابعد عنه واحاول من تاني طب وبناتي هيعيشوا من غير ابوهم 
هشام كان رافض يحضر الخطوبة لولا ان ماما بس قالتله ان دا مينفعش وميصحش وبالعافية وافق وجه
اسماء بردو كانت
هناك وعرفت انها حامل اتكلمنا شوية وبعدين وقنا مع شوية بنات وشباب 
لا بس فستان يارا يجنن .
بس هي ازاي وافقت تتجوز واحد عنده بنت دي مسئولية وبعدين هي لسه بنت ..ما كانت اتجوزت شاب ميبقاش عنده مسئوليات غيرها
ي جماعه كل واحد حر في حياته.. وبعدين لما نلاقي الشخص المناسب الي نحس اننا هنقدر نكمل معاه حياتنا مفروض منسبهوش حتي لو عشان ظروفه
اي دا مريم معقول شوفتك تاني ازيك
مريمازيك ي شريف
شريفمين القمر الي جنبك دي
دي بنتها ناريمان
شريفاي دا انتي عندك ولاد
مريماه عندي بنتين ناريمان وداليا
اومال باباهم فين مش واقف معاكي ليه ولا هو مسافر
ابتسمت بحرجلا هو رجع واقف هناك اهو
شريفتعالي هنا ي قمر انتي مش اسمك ناريمان اي دا مين الي معاكي دي كمان
مريمدي ناريمان ودي ليلي بنت استاذ طارق
شريفطب تعالي بقي ي قمر
شريف شال ناريمان وفضل معاها طول الخطوبة هي وليلي ..
لقيت هشام جاي ناحيتي
هشاممين الي كان بيتكلم وشايل ناريمان دا
مريمدا شريف زميلهم ف الجامعة
هشامطب تعالي نرقص الرقصة دي
مريملا لا مش قادرة..
هشاميلا دي فرصة مش هتتعوض وعايز اتكلم
معامي شوية .
ببص لبسمة لقيتها بتشاورلي بعينيها اني اروح فروحت ورقصت!
هشاممريم انا عارف اني كنت غلطان بس عايز ندي نفسنا فرصة لو مش عشانا ف عشان بناتنا حتي!
مريمهشام مش وقته الكلام دا
هشامي مريم اسمعيني انا عايز نرجع تاني زي الاول انا كنت شاب صغير وكنت عايز اعيش حياتي ومكنتش حمل اني يبقي عندي اطفال ومسئولية لازم تعذريني وتعرفي انك ملكيش غيري ولا انا ليا غيرك .
مردتش عليه وخلصت الرقصة وخلصت الخطوبة وروحت فكرت كتير انا غلطانة وغلطة زمان دي نتيجتها وانا لازم استحمل وبناتي ملهمش ذنپ يبقوا من غير أب بس انا اقدر اعيش من غيره واربيهم لوحدي 
مش هضحك علي نفسي انا عمري م هقدر اشيل مسئولياتهم لوحدي لازم ابوهم يكون له دور انا عايزاهم يدخلو مدارس كويسه ويكونو ف بيئه سوية مش عايزة حد فيهم يطلع معقد .
نمت من التفكير ومن تعبي كمان
صحيت تاني يوم وخرجت مع بسمة اشترينا لبس وشوية حاجات كدا وبسمة اشترت لنفسها فستان روحت وبسمة طلعت جهزت ناريمان وداليا ونزلت واستنيتهم تحت واخدتهم ووديتهم التمرين وبسمة اخدت جوزها فسحها شوية عشان هترجع شقتها بكرا 
ناريمان خلصت التمرين اخدتها وروحت ولقيتهم عاملين ليا مفاجأه مزينيين البيت وعاملين تورتة صغيرة وجايبين بيتزا وعازمين يارا وطارق وأسماء
بسمةمفاااجأه مش كدا
مريماه بس ليه عملتوا كل دا
بسمةمش احنا دا هشام
هشام قرب مني واداني فستان الي اخترته مع بسمة يلا ي حبيبتي خشي البسي الفستان دا واحنا مستنيينك..
دخلت ولبسته وخرجتلهم واتعشينا وبعدين شغلوا اغاني وقضينا وقت جميل بعد كدا كلهم دخلوا ناموا و يارا روحت هي واسماء واحنا كمان دخلنا نمنا
دخلت البلكونة ووقفت فيها لقيت هشام جاي من ورايا كل سنة وانتي طيبة يا حبيبتي لبسني سلسله دهب وقالي جيبتلك دي وانا مسافر
ابتسمت وانت طيب دخلت غيرت هدومي ودخلت البلكونه تاني وقعدت اقرأ ف الكتب بس الحقيقه ان دماغي مكنتش ف الكتب خالص لحد م لقيته دخل وبيقول مش هتنامي بقي ي حبيبتي الوقت اتأخر
مريماوعي تفكر ان الي انت عملته دا خلاص هيخليني اسامحك او انسي كل حاجه الچرح بتاع سنين مش هيتقفل في يوم .
يتبع ...
لو عجبكم البارت اعملوا ريأكتاورأيكو 
استنو البارت 10 والاخير 
_قاصر
P 10
the last part
مريماوعي تكون مفكر الي انت عملته دا هيخليني أسامحك چرح سنين عمره ما هيتقفل ف يوم
هشاممريم اسمعيني احنا لازم ندي نفسنا فرصة تانيه .
مريمهشام انت لقيت يارا بعدت عنك لقيت نفسك هتخسر كل حاجة لقيت نفسك مش هتعرف تبدأ حياه جديدة ملقتش غير انك تكمل معايا وتكمل ف طريقك الي انت اختارته ومشيت فيه
هشام مريم اسمعيني
مريم اسمعني انت
ي هشام انت سبتني هنا مرمية وروحت تعيش حياتك سيبتني لوحدي ومشيت عشان بس لقيت حاجات حلوة اكتر ف واحدة تانية سيبتني هنا والايام بتدوس عليا كان لازم تفضل معايا كان لازم تقدر اني ضحيت ...
هشام مريم انتي مضحتيش انتي اختارتي الاسهل انا معاكي اني غلطت ف حقك غلطت لما مشيت وسبتك غلطت لما سبتك ف عز ما انتي محتاجاني بس الغلط الاكبر
كان منك انا كنت جزء م الغلط بس انا مجيتش علي ايدك.
مريم معاك حق انا الي غلطت انت ملكش دعوة بحاجة الغلط كله عليا انا وانت ملاك برئ وانا شيطان اخلص من الشيطان دا بقي انا وبناتي عائق في حياتك تقدر تبدأ حياه جديدة مع واحدة تانيه بس متبقاش تهرب من مسئولياتك المرة دي !
هشامقصدك اي
مريمتطلقني يا هشام انا مبقتش قادرة اكمل حياتي معاك
هشام اطقلك انتي اټجننتي و بناتك
مريمهيعيشوا معايا وهسعدهم وهخليهم ميحتاجوش لحد.
هشام وليه بناتي يعيشوا بعيد عني
مريمما انت سافرت وسبتنا فرقت اي يعني
هشام ساعتها مكنتش مدرك اوي المسئولية..كنت عايز اعيش حياتي. ومكنتش حمل ان يبقي عندي ولاد ومسئوليه بس
خلاص فوقت وندمت .
بقيت ناضج دلوقتي اني اشيل مسئولية بناتي ومراتي وانا لا يمكن اسمح ان بناتي يعيشوا مع راجل غريب او حد يصرف عليهم وابوهم موجود 
انا مش هغصبك تعيشي معايا لو مستعدة ندي نفسنا فرصة تانيه تمام لكن بناتي هيفضلو معايا
مريمهشام..
هشامدا الكلام الي عندي ي مريمانا عرضت عليكي تديني فرصة تانية..ونبدأ تاني ونحاول والقرار قرارك
.
مريمعموما سيب الايام بينا ي هشام هي الي هتحدد انا مش هتغير اكيد من كلمتين او موقف والايام هتثبتلي اذا كنت اتغيرت فعلا او لا
هشامغلطتنا زمان مينفعش تأثر علي بناتنا دلوقتي يا مريم حاولي تفهمي اني كنت طايش فعلا وكنت بجري ورا نفسي مكنتش بفكر ف نتايج اي حاجه بعملها حاليا انا مستعد اني اتغير عشانك وعشان بناتي وعشاني.
عدت الايام وهشام فعلا ساعدني كتير كان كتير بيشيل عني البنات لحد ما اخلص مزاكرتي او محاضراتي تغير بس الي اتكسر مش بيتصلح صحيح انا لسه بحبه بس مش قادرة اتقبله تاني بس مش ههد بيتي واروح اعيش عند حد او ابقي عائل علي حد وبناتي يتمرمطو بيني وبينه هكبر بيتي معاه حتي لو انا مش عايزة ابقي معاه .
يارا اتجوزت وسافرت مع جوزها وبنته برا بتواصل معاها بالتليفون ساعات .
واختي خلفت ياسين .
عدت الاربع سنين وخلصت الكلية بتقدير جيد
مريمطب فهمني انت مش موافق لي
انا واخدة الشهادة وتعبت وف الاخر مش هعمل بيها حاجة
هشامي مريم افهمي بنتك الي عندها خمس سنين دي هتعملي فيها اي محتجاكي
والتانيه الي لية داخله مدرسة مين هيزاكرلها ويتابعها هما دلوقتي ف مرحلة لازم انتي تكوني معاهم عشان شخصيتهم تتكون صح .
مينفعش تشتغلي وتسيبيهم .
انا كنت بساعدك اه ساعات بس مش هعرف دوما انا راجل وليا شغلي برضو
مريمطب هشتغل حتي ف مكتب هعمل لنفسي مكتب
هشامانتي عايزة تجننيني مريم انتي جايبة تقدير جيد يعني صعب تفتحي مكتب ولازم تدربي 
مريم الموضوع صعب مستحيل تشتغلي!
مريمطب هشتغل معاك ف الشركة .
اي حاجة انا مش عايزة افضل كدا يعني اتعلم اربع سنين ومعملش بشهادتي حاجة 
وهودي داليا حضانة واوعدك ان شغلي مش هيأثر علي بيتي.
هشامهشوف..
بعد 7 سنين
كان عيد ميلاد ناريمان ال 16 كانت عازمة صحابها وانا عازمة اختي وجوزها وولادها وماما وصحابي
ناريمانماما مامااعرفك علي شادي زميلي ف المدرسة .
مريماهلا ازيك ي شادي .
شاديازيك ي طنط 
اتكلمت معاه شوية مشي شادي وناريمان قعدت جنبي وقالتماما انا خلاص مش عايزة اكمل وهتجوز شادي قال لباباه ووافق انا هعمل زيك وابدأ حياتي بدري مش كدا احسن بردو عشان معملش حاجة غلط
اټصدمت وبصتلها وقولت وانا متفاجأهناريمان!مينفعش
انتي قاصر !
ناريمانقاصر يعني اي قاصر
تمت
كل غلطه بنغطلها ف حياتنا بيبقي ليها تأثير علينا محدش بيتعلم ببلاش دايما لازم نعرف ان الوقت لسة مفاتش واننا نقدر نحقق حاجه بس كل حاجه ف وقتها تبقي اصح وبتبقي مريحه اكتر لازم دايما نحاول ونسافر ونعرف اننا هنقع كتير هنقابل كتير هنتعب كتير هنتخذل ودا
وارد وطبيعي ولازم نحاول نشوف الحلو ف اي حاجه ونفضل دايما نقول هو العمر فيه اد اي عشان نقضيه ف حزن واكتئاب وزعل وكره وحقد
مينفعش نستقل برأينا بس لازم ناخد رأي اهالينا والي حوالينا كل واحد له نظره بردو ودايما نتعلم من الي حوالينا ونسمع اكتر ما نتكلم القرارات المصيرية لازم ناخدها لما ننضج انا مش بحارب فكرة الجواز من سن صغير كل واحد حر انا ضد فكرة ان الواحد يعمل حاجه عموما من غير م يكون ناضج كفايه او يكون مش قادر يشيل مسئوليتها لان لازم كل خطوه ف حياتنا نفكر فيها .
وبكدا تكون الستوري خلصت اتمني تكونوا اتعلمتوا او استفدتوا حاجة ولو بسيطة رأيكوا ف الكومنتس و يريت تقولوا انتو
استفدتوا اي م القصه دي 
متنسوش ريأكت او
واستنوني ف حاجة جديدة ان شاء الله .
دمتم سالمين