احببته بقلم شهد البابلي

_ يعني علشان مبقاش عانس مطالب مني أقلل من نفسي!
_ محدش قالك كدة أنا بس بقولك إتلحلحي كدة و متبقيش متخشبة في كل مكان نروحه يا نوران
_ و طبعا أغير لبسي اللي عامل زي الشوال ده
_ الله ينور عليكي و امشي في الشارع و..
_ و اقول بأتنين ونص دي عروسة بص
_ ماما يا ماما تعالي أفرحك
_ ابهريني
_ سارة فرحها اتحدد خلاص و هيبقي الاسبوع الجاي

_ سارة صاحبتك! بسم الله ماشاء الله
_ ايوة أنا فرحانة أوي بجد هي تستاهل كل خير
بصتلي بعتاب وقالت
_ و أنتي متستاهليش كل خير يا نوران!
_ يا ماما هو كل ما حد يتخطب أو يتجوز تقولي الكلام ده!
_ نفسي أفرح بيكي يا نوران كتير عليا
مسحت وشي من العصبية و أخدت نفسي وقولت
_ ماما مية مرة أقولك إن البنت هي المرغوبة وليست الراغبة نصيبي هو اللي هيجي يتقدملي مش أنا اللي أروح أتقدم أنا أستحق أتحب أستحق كل حاجة حلوة.
_ بس نصيبك ده مش هيجيلك طول ما أنتي بالشكل ده عيشي سنك بدل القرف اللي بتلبسيه ده عاطية لنفسك عمر أكبر من عمرك
_ أنا مش ملاك بس بحاول أقرب من ربنا أكتر لبسي أنا مطالبة بيه من ربنا إنه يكون فضفاض وواسع يعني ده فرض مش إختيار و أنا مش عايزة عريس أنا عايزة راجل
_ يا كاريزما ياللي مبترديش ع الموبايل
ضحكت وقولت
_ ما أنتي عارفة عملاه سايلنت كالعادة بس كنت معدية جنبه ولاقيتك بتتصلي
_ طب جهزي نفسك علشان هنتقابل بكرة الصبح بدري إحنا والبنات علشان تجهيزات فرح سارة
_ بس هتعزموني ع دوناتس مليش دعوة
_ ياستي و أيس كوفي كمان
_ إذا كان كدة ماشي
_ أتوسل إليكم خلينا نريح رجلنا شوية
_ هو إحنا لحقنا
_ بقالنا تلت ساعات رايح جاي وتقولي إحنا لحقنا!
_ بس بقي يا نوران هو احنا جايبين طفلة معانا و تعالوا يلا ناكل حاجة نشحن بيها طاقتنا
ابتسمت ببرود وقولت
_ اوكيه ابقوا شوفوا بقي الطفلة هتعملكم الفتوتوسيشن ازاي
_ قموصة بتتكلم! أنا أول مرة أشوف قموصة بتتكلم
_ لو سمحتي عايزة عشرين دوناتس بالشوكولاتة و خمسة أيس كوفي
قاطعني صوت همهمة بسيطة بيقول 
_ يعني كل واحد هياكل أربعة دوناتس لوحده!
لفيت راسي ناحية الصوت ولاقيته وجه نظره لموبايله معرفتش ملامحه بس اتعصبت وبصوت هادي مشابه لنبرته قولت
_ لو البني آدم يخليه في حاله وملهوش دعوة بأخوه البني آدم الدنيا هتبقي في سلام
_ بتقولي حاجة! 
_ أفندم! 
_ ابقي هاتي حاجة مالحة لأحسن كتر السكر بيجيب السكر يا سكر
لسة هرد لاقيته مشي ببرود ومعاه شنطة اللاب في إيده وفي نفس الوقت كان الأوردر جهز
حتي الأكل مبصوص فيه 
أحلي ۏجع بطن عليكي يا نوران.
_ مالك مكشرة ليه
_ كلي وأنتي ساكتة لأحسن أنا مش طايقة نفسي
غمزت واحدة وقالت
_ أنا