راويه بقلم فاطمه عيد

.. يقوم ببرود ويدخل الحمام وهى تفضل مكانها مستنياه يخرج .. شويه وتسمع تكسير كتير فى الحمام .. تتخض وتقوم تلف الفوطه حواليها وتقوم تشوفه......
قبل ما نبدأ حلقتنا .. خلينى اوضحلكو كام حاجه كده .. شخصيه ديالا الشخصيه اللى غالبا مضايقاكو وحاسين انها غبيه ومفيش حد ساذج للدرجه .. للاسف الشخصيه دى موجوده كتير جدا فى مجتمعنا وبنات كتير جدا بيجسدوها .. انا مش متعاطفه معاها بس احنا ممكن نبصلها من جه تانيه بعيدا عن السذاجه والغباء .. واحد عاشت حياتها كلها بتتعرض لعڼف اسرى واى غلطه حتى لو بسيطه بعقاپ .. محدش بيفهمها سواء باباها او مامتها وممرتش بتجارب فى حياتها قبل كده وفى مرحله المراهقه ودخول الجامعه اللى هى اخطر مرحله فى حياه الولد والبنت واللى بيبقى عاوزين يجربوا فيها كل حاجه عشان يحسوا انهم كبروا وبقوا ناضجين .. فجأه اتحررت من السچن اللى كانت عايشه فيه وسافرت ووقت ما تسافر تقعد
فى بيت كله رجاله وهى بطبعها مبتخطلتش بيهم حتى فى المدرسه .. ويجى واحد يرسم ويخطط ازاى يوقعها ويملكها ويتعامل معاها بلطف وحنيه اللى هى اصلا محتاجاهم من اول ما اتولدت ومكنتش بتلاقيهم فى اهلها .. اداها الامان فى مكان غريب عنها وقدر يخليها تحبه .. الانسان ضعيف بفطرته بالك بقى لما يبقي قدام الشخص اللى بيحبه .. هى بنى ادمه من لحم ودم وبعيدا ان شخصيتها ضعيفه .. باللى بيعمله هتضعف .. لان دى طبيعه بشريه موجوده فى كل واحد فينا .. فى حد بيقدر يقاوم ضعفه وفى حد بيستسلم .. وفى حد الظروف لسه مختبرتوش .. بنت 18 سنه عاوزينها تتصرف بكامل النضج قدام ولد بتحبه ! والولد كبير وداخل ف التلاتين يعنى فاهم وعارف بيعمل ايه وكل اللوم فى الاخر عليها ماهى اللى سلمت .. هى ضعيفه ومش فاهمه ومعندهاش اى خبره عن الحياه ومش بتعرف تفرق بين الحب والتمثيل فوقعت اسيره لعبته الحقيره اللى قرر يمتلكها بيها .. واخر نقطه للتوضيح .. محدش قوى ومقاوم قدام حد بيحبه .. فى ناس بتقبل اهانه واټهامات وشك وخيانه وضړب وكدب وحاجات كتير اوى من هذا القبيل لمجرد انها مش قادره تبعد .. احنا لو مش ضعفاء مكنش اسلامنا نفسه حرم التعامل بين الراجل والست الا ف الضروره .. مكنش حرم السلام بالايد .. دا حتى ان راجل يشم ريحه البرفيوم بتاعت الست تعتبر ژنا .. اسلامنا حرم وجود الراجل والست من غير محرم .. دا حتى لو اخوكى مينفعش تناموا سوا ع سرير واحد متخيلين لدرجه ايه ! وفرقوا بينهم فى المضاجع حديث شريف .. تخليوا اسلامنا منع اى تلامس بين راجل وست عشان عدم ارتكاب فاحشه الژنا !! .. تخيلوا بقى واحده مراهقه ومش فاهمه حاجه وحبيبها حاضنها وبيقولها كلام لطيف وبحنيه واحاسيس اول مره تعيشها واكيد احاسيس لطيفه .. مستنين ايه معلش !!!! 
دا كان توضيح بسيط لفكره استسلامها وفى الاحداث الجايه هوضح اكتر برضو وكمان هوضح الفرق الواضح بين شخصيه نورين وديالا مع انهم متربين فى نفس البيت .. وبالنسبه لكومنت اننا مجتمع اسلامى ومينفعش تسلم فانا وضحتلك كلام كتير ومع ذلك هرجع واقول ان المجتمع الاسلامى بيحصل فيه كوارث اكتر من دى بكتير من قتل وسرقه واغتصاب وژنا وشرب خمور ومخډرات وبيحصل فى العلن مش ف اوضه ومتخبين عن الناس ! تخيلى كميه الحوادث والمصاېب اللى بنسمع عنها ف العلن تفتكرى فى السر هيبقي ايه !! .. الاسلام مش بالمجتمع .. الاسلام فى قلوبنا وعقولنا ومبادئنا .. اتمنى اكون وضحت جزء من وجهه نظرى 
اسيبكوا مع الحلقه 
.........................................................
حلقه 10
يعدى وقت مش قليل .. يونس يزقها بعيد عنه وهى تستغرب تغيره المفاجئ .. يقوم ببرود ويدخل الحمام وهى تفضل مكانها مستنياه يخرج .. شويه وتسمع تكسير كتير فى الحمام .. تتخض وتقوم تلف الفوطه حواليها وتقوم تشوفه .. تقرب
على باب الحمام وتخبط تلاقى يونس بيرد من جوه بزعيق 
يونس بزعيق عاووووزه ايه !!!!!!
ديالا تتخض من الصوت وترجع خطوتين لورا ومش عارفه تعمل ايه بس هى ف اللحظه دى فعلا خاڤت .. تقرر انها تخرج احسن لانها مش فاهمه ماله او ايه اللى حصله وغيره كده ! .. تقلع الفوطه ولسه بتلبس هدومها يخرج يونس .. تشد الفوطه عليها بسرعه وهو يبصلها باستهزاء 
يونس بتريقه ايه بتتكسفى اوى 
ديالا تستغرب اسلوبه اكتر وتبصله 
ديالا بتوتر م م مالك !!
يونس ببرود مفيش .. اخرجى يلا وروحى اوضتك قبل ما حد يصحى ويشوفك 
ديالا طب ممكن افهم مالك بس وهروح 
يونس يزعق انا قولت روحى اوضتك .. اتفضلى يلا 
ديالا تترعب من صوته ومش مصدقه ان فى حد ممكن يتحول كده فى دقايق .. تمسك هدومها وتبصله 
ديالا طب ممكن تدخل الحمام عقبال ما البس بس او اخرج بره 
يونس يضحك بصوته كله 
يونس ما تفكك من التمثيليه دى وتغيرى وتخلصى .. انا مش فايق لدلع البنات دا 
يقعد على الكنبه ويحط رجل على رجل ويولع سيجارته .. وهى تاخد هدومها ولسه هتدخل الحمام يقاطعها يونس 
يونس الحمام متبهدل .. متدخليش دلوقتى 
ديالا ماهو انا اكيد مش هغير قدامك كده !
يونس باستهزاء ماانتى كنتى فى حضنى من شويه وانتى كده .. ايه اللى اتغير !
ديالا تتحرج وتضايق من اسلوبه معاها اللى مش بيوحى بالخير ابدا .. تتنهد بضيق وتفك الفوطه ويونس متابعها بعينه لدرجه انها اضايقت اكتر واتمنت لو الارض تنشق وتبلعها فى اللحظه دى .. تلبس هدومها بسرعه وترمى الفوطه على السرير وبتتجه نواحى الباب يوقفها 
يونس استنى اتأكد فى حد بره ولا لا .. الواحد مش ناقص قرف 
يخرج يشوف ويلاقى ان البيت لسه هادى وكلهم نايمين .. كانت الساعه حوالى 6 الصبح .. ديالا لسه هتخرج يمسكها من ايدها پعنف ويشدها يدخلها
ويقفل الباب تانى 
ديالا بۏجع اااه ايدى يا يونس اوعى 
يونس للحظه مستغرب نفسه .. هو مسكها ليه !! .. كان جواه كميه غيظ منها مش عارف يسيطر عليها .. طب هو وقفها ليه .. هيلومها !! .. هى ذنبها ايه طيب مين غلطان دلوقتى !! .. وليه سلمت كده وهى فعلا اول مره ليها ! .. معقول يكون انانى لدرجه انه يدمر مستقبلها بالشكل ده ! .. مش عارف حاليا مين الصح ومين الغلط ولا فاهم اصلا المفروض يعمل ايه هو اه استمتع معاها وبيتمنى ان الموضوع يتكرر تانى بس حاسس بۏجع .. حاسس ان روحه پتنهار .. جايز حس بالظلم .. هو متأكد انه مش هيتجوز طب ليه يعمل فيها كده اصلا .. وهى ليه تسمحله بكده ليه محافظتش على نفسها حتى منه ليه رخصت نفسها كده باسم الحب ! مش مقتنع ان فى بنت ساذجه زيها .. اعتقد انها كانت فاهمه كل حاجه وانها بتمثل انها مش حابه انه يقرب منها بالطريقه دى .. لكن اتضح العكس هى فعلا مش فاهمه وهو اللى كان بيقولها وبيهديها للحظه افتكر كلام وليد صاحبه واتأكد بعد الليله دى انها فعلا عيله ومش عارفه هى بتعمل ايه .. وهل دا مبرر .. دلوقتى هو بقى الجانى الوحيد !! .. طب وهى ! .. هيتجنن ومش فاهم اى حاجه ومش عارف المفروض يتصرف ازاى اصلا .. كل دا بيفكر وهو بيضغط على ايدها جامد وديالا دموعها ابتدت تنزل .. يبصلها ويلاحظ دموعها وعينها اللى بتبصله بتوسل واخيرا يحاول يتمالك اعصابه ويسيب ايدها .. ويقرب عشان يحضنها وبيحاول يهديها .. ديالا تحضنه وټعيط فى حضنه 
ديالا بعياط ليه بتعمل كده .. وليه بتخوفنى كده .. انا عملتلك ايه لكل دا !! 
يونس مش عارف يرد يقولها ايه .. يبعدها عنه بهدوء ويبصلها 
يونس ارجعى اوضتك دلوقتى ونتكلم بعدين 
ديالا تحرك دماغها بمعنى حاضر وهى مازالت بټعيط وتفتح الباب وتخرج .. يونس يقفل الباب وراها ويقعد على الكنبه بهدوء .. بيتنفس بصوت عالى وشبه مسموع .. كمحاوله منه لتنظيم انفاسه مضايق منها ومن نفسه ومن اللى حصل .. مستغرب ضيقته هو ليه اصلا مضايق ! .. المفروض يبقي فرحان وفرحان جدا كمان .. هو عاش معاها لحظات احساسهم غلب اى حاجه فى حياته حتى اول مره ليه مكانتش بالاحساس دا .. ليه زعلان .. يقوم ويدخل الحمام ويفتح الدوش ويقف تحتيه .. جايز الميه الساقعه تهدى الڼار اللى قايده جواه .. يخلص شور ويلبس هدومه ويخرج ينام على السرير .. النوم طار اول ما شم ريحتها وشاف شكل السرير .. يغمض عينه بضيق ويقوم يشيل الملايه والمخدات ويحطهم فى البانيو ويفتح عليهم الميه يخرج يقعد على الكنبه ويتصل بالامن 
يونس ابعتلى
اى حد ينضف الاوضه .. وياريت بسرعه عاوزه يخلص قبل ما حد من البيت يصحى .. تمام 
قفل التلفون ويدوب خلص سيجارته يلاقى راجل بيخبط على الباب 
يونس انت اللى هتنضف 
الراجل ايوه يا بيه 
يونس تمام خلص بسرعه 
يسيبله الاوضه ويخرج .. ينزل يقعد فى الجنينه ويقعد على حمام السباحه وهو بيفكر .. يعدى الوقت والراجل يخلص تنضيف الاوضه ويونس يطلع ينام .. اما ديالا ففضلت فى الاوضه بټعيط .. مش فاهمه هى غلطت فى ايه ! .. واللى بيدور فى دماغها انها معجبتوش .. ومخها مش مهيئلها ان مصيبتها اكبر من كده بكتير .. شويه وتلاقى الباب بيخبط .. تمسح دموعها بسرعه .. تلاقى الباب اتفتح ونورين دخلت مبتسمه .. ديالا كمان تبتسملها .. نورين بتشاورلها بمعنى يلا عشان نفطر 
ديالا لا مش قادره .. هبقى اكل بعدين 
نورين تشاورلها بانه مينفعش ويلا عشان كله متجمع تحت ومستنينهم 
ديالا باستفسار كلهم !!
نورين تشاورلها بمعنى ايوه ماعدا انكل محمد عشان راح الشغل .. ديالا تقوم معاها لانها قررت تواجه يونس وتفهم ماله .. تنزل لكن تتفاجئ ان كلهم موجودين ماعدا هو .. تضايق اكتر وتقعد معاهم .. نورين قعدت جنب مراد وجنبهم مروان 
مراد والنبى يا ديالا ناولينى الطبق دا 
ديالا كانت قاعده بعيد عنه اصلا .. فنورين تديله الطبق 
مراد بابتسامه تسلميلى 
تحرك راسها بمعنى تمام وتسكت .. شويه ويبصلها تانى 
مراد والنبى يا ديالا ناولينى طبق الجبنه دا 
نورين تديله الطبق 
مراد والعصير كمان .. خليكى نبيهه كده وصحصحى معايا 
نورين تشاورله بمعنى ان العصير جنبه اصلا 
مراد ايه دا انتى نورين .. طب ما تفكى شعرك ربطاه ليه .. انا مش بعرف افرق غير بشعركو 
مروان ياض انت غبى واحده ملونه والتانيه غامقه وبعدين