ثلاث ذئاب وغزاله بقلم ريناد يوسف
لشام وشاورت لبشاير عشان يطلعوا.
وبعد ماطلعوا من ألاوضه وبصوا لابوهم لقوه قاعد علي المصطبه وساند دماغه عالحيط ومغمض عيونه بتعب ووشه كساه سواد مره وحده ميعرفوش منين وعمته متمرمته في التراب..
بشاير بسيمه اني خاېفه قوي.. هي شام الديب عضها عضه واعره ومش هتطيب منها تاني ولا ايه
بسيمه بشرود ټوفي من خشمك يابومه.. شام هتروق وتعاود كيف الورده المفتحه.. خدي المواجير وروحي إنتي احلبي البهايم واني هعمل الفطور..
أيه ديه يابسيمه جايبه الميه داي ليه
بسيمه طلعت ومردتش علي امها وعاودت بطشت وكبت فيه نص الميه اللي في البستله وبقت نصها وقفلت باب الاوضه ووقفت قصاد امها وقالتلها بحزم
وفعلا دهب استسلمت لاوامر بسيمه اللي طلعت فاهمه كل حاجه
دقايق في الميه بسيمه دعكت فيها جسم اختها من كل الۏسخ اللي فيه ونضفت جرحها اللي كل ماتكب عليه ميه ېنزف وممبطلش وشام نطقت اخيرا بتعب
وداي كانت جملتها الوحيده اللي نطقتها وبعدها عاودت لدنية صمتها.
بسيمه بحرقه علي حال اختها ودموع عتكوى خدودها
ربنا يكوي قلب اللي كواكي ياقلب اختك.. ربنا يسلط عليه ڼار في الدنيا تكوي قلبه وڼار في الاخره تكوي روحه.
اما دهب فكانت منتهية من حالة بتها وحاسه إن رجليها بقوا كيف الخيوط ومعادوش شايلينها ويادوبك نقلت شام مع بسيمه علي السرير وسابت بسيمه تلبسها واترمت هي على الارض بتعب وعينها على ډم بتها اللي خلي الدنيا بقت فعنيها كلها بلون الډم.
شوية ودخل عبد الصمد الأوضه وقعد علي الارض جار السرير وجنب دماغ شام وهمسلها بكسره
مين ياشام اللي عيمل فيكي إكده
شام مردتش وهو كرر سؤاله مره وتنين وتلاته وعشره وكل اللي لقاه من شام في الاخر جضه بتعب ودموع نزلوا كأنها عتقوله مقدراشي اتحدت ولا اقول حاجه..
وصل عبد الصمد حدا النفق وعدا علي الكلوب المكسور مره تانيه واللي يشبه روحه فى الوكت ديه واول حاجه جات فباله إن الغفير بتاع المعدات هو اللي عيملها..
الغفير اللي عيحرس المكن ديه في الليل انهو واحد في الناس داي يابو عمو
شاورله العامل علي راجل قاعد قصاد دمسة ڼار وماسك يد الكنكه الحديد الطويله وعيعمل في الشاي فقرب عليه عبد الصمد ومن غير وعي شاط الكنكه اللي فيده بعيد خلاها طرطشت عليه من الشاي الفاير وميل على الراجل ومسكه من خلجاته قومه وابتدا يهز فيه بحيله كله وهو عيقوله عيملت إكده ليه ياواد الحرااام.. عيملت إكده ليه ياكافر
عطا كل ديه مش مستوعب إيه اللي عيوحصول ورد عليه بعدم فهم وهو عيحاول يخلص خلجاته من بين اديه
عيملت ايه ياراجل يامهووس إنت. أوعي إكده بعد اديك كنك تعبان فمخك!
عبد الصمد
له وإنت الصادق اني معادش فيا مخ عشان يحس بتعب ولا براحه.. العقل إنت ضيعته بعملتك النجسه يانجس.
عطا وهو برضوا مش فاهم
يامثبت العقل والدين يارب.. ياراجل عملت ايه ومين النجس ېخرب مطنك اتحدفت عليا من انهو نصيبه عالصبح!
اصواتهم عليت والناس ابتدت تاخد بالها والكل راح عليهم وحتي توفيق خد باله من بعيد وراحلهم وفرق الناس وقرب منهم وهو عيسال بحزم
فيه أيه.. إنت مين ياراجل إنت وماسك فالغفير إكده ليه!
وانت ياعطا عميلت ايه
عطا والله وحق الصبح الجديد ماعميلت ايوتها حاجه!
وهنا عبد الصمد إنتبه علي روحه وشاف الناس كلها متجمعه حواليه وحتي اهل البلد فيه منهم اللي جاي عليهم من بعيد
فقال بحسه العالي
الليله اللي عدت إتسرقت مني غنمه ومفيش حد غريب في البلد غيره وطول عمرنا بيوتنا امان ومحدش عيقدر يخطيلنا دار ولا يدوسلنا علي عرض.
عطا پصدمه أني! والله ماحصل واصلا من كرم ربنا أني الليله اللي عدت قضيتها كلها عالقهوة اللي فالجيهه التانيه وحتي روح إسأل صاحب القهوة والناس اللي كانت سهرانه أهناك.. إني مهملتش القهوة لحدت اذان الفجر.
عبد الصمد أديه اترخت من خلجات عطا الغفير بعد ماسمع كلامه وحس إن الدنيا لفت بيه وإنه بعد ما كان فاكر إنه اهتدي للمچرم طلع نقبه على شونه فأتحرك بضعف وخيبة أمل من وسط الناس واتراجع لورا وهو عيضروب كف بكف ويسأل روحه بحيرة
أمال مين بس اللي عميلها ياربي مين
وبدات الناس كلها تواسي فيه على نعجته المسروقه وتقوله فداك وهما شايفين حاله اللي يقطع القلب.
اما عطي الغفير فخلص من قبضة عبصمد صوح لكنه وقع فبراثن توفيق اللي إستلمه شتيمه وتوبيخ
بقى إكده ياسي عطا.. أئمنك علي معدات بحق بلدك كلها تقوم تسيبهم وتروح تسهر عالقهاوي!
من النهاردة إنت مليكش عيش معاي تاخد حسابك ومتورنيش وشك وخلي القهاوي تنفعك.
خلص حديته ولم اطراف عبايته ومشي من قدام عطا وهمله عيندب حاله ويولول على وكل عيشه ورزق عياله اللي إتقطع ويدعي عي عبد الصمد اللي جاله فارر ميعرفش منين عالصبح كيف الدبور اللي جاي يزن علي خړاب عشه ويفضح اللي ستره ضلام الليل.
اما توفيق فبص علي عبد الصمد اللي عمال يحوم حوالين الالات وعينه عتلولج في الارض كيف اللي عيدور علي حاجه واقعه منه!
وكل هبابه يطل براسه في النفق ويرجع تاني كيف اللي عيلعب لعبة الغميضه مع حد ومتخباي منيه و يتلفت فوشوش العمال يمكن يلاقي علامه ولا خربوش فوش حد فيهم يعرفه إن ديه هو اللي عيمل إكده فبته مادام الغفير طلع بريئ منها..
قرب عليه توفيق وسأله بحيره
فيه أيه يابو عموا وقعت منك حاجه إهنه وعتدور عليها ولا أيه.. قولي لو فيه حاجه واقعه منك اوقفلك الالات وتدور عليها براحتك.. ولا ايه حكايتك إنت شكلك مش مظبوط!
عبد الصمد بدون وعي
سمعتي.. سيرتي الطيبه مابين الناس.. شرفي.. دول كلهم وقعوا إهنه عشيه وجاي ادور عليهم.
توفيق بعدم فهم انت تقصد أيه اني مفاهمشي
عبد الصمد خليك مفاهمشي قلة الفهم احسن.. الا قولي يابو عمه هو حد من عمالك غايب النهاردة.. اصلي حاسس إن فيه حد غايب مش هما دول كلهم اللي عشوفهم كل يوم.
توفيق بإستغراب لسؤال الراجل
له محدش من العمال غايب مفيش بس غير ولدي اللي صبح بعافيه النهارده وغاب مقدرش ياجي معانا.. ايه هو اللي سرق نعجتك ولا ايه
عبد الصمد له يابوى العفوا منك ومن ولدك إنتوا وين والسرقه وين.. ولاد الاصول متطلعش منهم الشينه.
خلص كلامه واتحرك من قدام توفيق بتعب وخطوات مهزوزه كيف مايكون واحد طالع من معركة وخد فيها ضړب لما شبع..
عاود عبد الصمد البيت ودخل علي بته شام اللي فعالم تاني وعتجض بۏجع وقالها
شام.. امانه عليكي يابتي قوليلي مين اللي عيمل إكده فيكي
شام النوبادي قدرت تجمع نص حيلها وتحوله لكلمه نطقتها بالعافيه لأبوها وبحروف متقطعه
معا رفا همش.
عبد الصمد
يعني اغراب عن البلد.. طب حتي قولي علي علامه في اللي عيمل فيكي إكده اقدر اعرفه منيها.. علامه وحده بس ياشام.. وحده بس.
شام سكتت هبابه تلقط انفاسها وبعدها جمعت باقي الحيل اللي فيها وقالت بحس واهن
خاتم بفص.. اوحمر..
وللحكاية بقيه...
رواية هتك عرض الفصل العاشر والحادي عشر والثاني عشر
البارت العاشر
عبد الصمد خد الكلمه من خشم شام وقام وراح على الموقع تاني والنوبادي بدال ماعيبص عالناس والوشوش من بعيد بقي يهجم علي كل واحد فيهم ويمسك اديه التنين بالقوة ويبص فيهم
وتوفيق كان شايف اللي عيعمله مع العمال من بعيد وجه عليه پغضب وقلة صبر وزعق فيه وقاله
يابو عمو والله ماحال ديه عايزين نشوفو مصالحنا عاد متعطلناش مش كل هبابه تاجي وتقعد تشاغل العمال وتلهيههم عن اشغالهم!
عبد الصمد مكانش سامع توفيق عيقول أيه وبمجرد ماوصل حداه مسك اديه پعنف وبص فيهم..
توفيق سحب يده من ادين عبد الصمد وقاله
والله إنك راجل تعبان صوح يابوي عتهبش فالادين إكده ليه يابوي قولي عتدور على ايه وريح روحك وريحني وريح العمال معاك
عبد الصمد بۏجع غمض عنيه وهو عيرد عليه
عدور على خاتم بفص أوحمر.. متعرفش حد من عمالك عيلبس خاتم بفص اوحمر ياواد عمي.. امانه لو تعرف حد قولي عليه ربنا يستر ولاياك.
توفيق بحيره خاتم اوحمر ايه اللي عتدور عليه يابوي ديه وايه حكايتك بالظبط مره عتدور علي نعجه مسروقه منك مره على خاتم! اقولك.. تعالا معاي اني عاوزك تعالا.. وحط يده علي كتفه وخده بعيد عن الناس ودفس يده فجيبه طلع منه خمسين قرش ودسها فجيب عبد الصمد وهو عيقوله
خد دول يابوي وروح اشتري بيهم ريوق واتريق وعاود علي داركم وناملك هبابه شكلك منايمش من إمبارح وعنيك حمره وباين علي وشك التعب.. فين ناسك مهملينك تطلع لحالك ليه وإنت تعبان إكده!
بص عبد الصمد للفلوس وبص لتوفيق ومهتمش لا لكلامه ولا لفلوسه وسألة بتوسل يعني مهتقوليش مين صاحب الخاتم فرجالتك.. لازم يكون صاحب الخاتم من رجالتك يابوي بلدنا حدش فيها يعمل إكده فعرض صاحبه واصل.. يابوي ميعملهاش غير غررريب غريب..ونزل ايد توفيق من على كتافه ومشى وهو عيضروب كف بكف وضهره انحني كيف مايكون كبر سنين فساعات معدوده ويقول بهمس مسموع لتوفيق
ياحظك العاثر ياعبصمد.. ياسوااادك ياعبصمد.. يانصيبتك السوده ياعبصمد.
وتوفيق وقف يبص عليه بإستغراب وهو مش فاهم منيه حاجهفيه حاجه واعره حاصلانه معاه مغيبه عقله وطافيه الضى اللي فعيونه ومبدلاه بلون الڠضب!
عاود توفيق لكرسيه اللي قاعد عليه وعيراقب الكل منه وبص للجرافه وتجروف تراب من النفق وترمي لبره وشاف إن النفق خلاص مباقيلوش كتير ويخلص حفر وياخد ألاته ويمشي ويهمل البلد اللي ناسها غريبه داي!
أما عبد الصمد فعاود لبيتهم وقبل مايوصل البيت بكام خطوة وقفه حس صابر وهو عيسأله پخوف
وااه.. مالك ياعم عبصمد ايه اللي عامل فيك إكده!
أيه اللي مرمتك ومرمت خلجاتك تراب وقعت ولا ايه اسم الله عليك
رد عليه عبد الصمد وهو عيتطلعله بحسره
وقعت والله ياصابر وطحت طيحه واعره قوي.. وكمل بتوسل.. وإنت الوحيد اللي تقدر تمد يدك وتقومني من الارض ياصابر.. إنت بس اللي فيدك تحوش
